Wp/apc/جبلة (سوريا)
| مدينة غرب سوريا | |
| الاسم بالإنجليزي Gabala | |
| الموقع | |
| عاصمة لـ | منطقة جبلة |
| التقسيم الإداري | ناحية مركز جبلة |
| الإدارية | |
| الدولة | سوريا، الإمبراطورية البيزنطية |
| الحكومة والسياسات | |
| منطقة زمنية | ت ع م+02:00 |
| رمز الهاتف | 23 |
| منطقة زمنية | ت ع م+02:00، ت ع م+03:00 |
جبلة هي مدينة عالبحر الأبيض المتوسط بالشمال الغربي لسوريا، بتتبع اداريا لمحافظة اللاذقية. هي مركز منطقة و ناحية جبلة. بتبعد حوالي 25 كم شمال بانياس و 25 كم جنوب اللاذقية، و كان عدد سكانها حوالي 80 ألف حسب إحصاء 2004. فيها ضريح و مسجد إبراهيم بن أدهم، الصوفي المشهور اللي ترك حكم منطقة بلخ وتفرّغ للعبادة. بتتلقب باسم "جبلة الروح." سكانها من الاسلام السنة و العلوية و المسيحية، بس الاغلبية جوا المدينة من السنة و اغلبية الريف علوية.
التاريخ
[edit | edit source]جبلة مسكونة من الألفية التانية قبل الميلاد. كانت جزء من مملكة أوغاريت، و ذُكرت باسم "Gbʿly" بسجلات أوغاريت حوالي 1200 ق.م. بالعصور الهلنستية و الرومانية، كانت مدينة مهمة، و دليل على هالشي المسرح الكبير اللي بيسع لـ7 آلاف شخص. كمان قُرب الشط فيه آثار أقدم من العصر الحديدي (الفينيقي).
العصور الإسلامية والبيزنطية
[edit | edit source]انضمت جبلة للدولة الإسلامية وقت الفتح بحدود 637–642 م. وبحدود 969–1081م رجعت أجزاء من هالمنطقة للبيزنطيين، بعدين استولت عليها بني عمّار. العلويين بلشوا ينتشروا بالمنطقة بأوائل القرن الـ11.
الحقبة الصليبية
[edit | edit source]جبلة (وقتها اسمها "جيبيلوم") سيطر عليها الصليبي تانكرد مع جنوة بـ23 تموز 1109، و صارت تابعة لإمارة أنطاكية الصليبية. بالـ1126 كانت جزء من "مهر" الأميرة أليس بنت الملك بالدوين الثاني. بـ1189 صلاح الدين سيطر عليها. من أشهر الشخصيات اللي عاشوا فيها وقتها كان هوغو أسقف جبلة، اللي راح ع أوروبا و خبر البابا عن سقوط الرها. على بعد أقل من 1 كم من مركز جبلة، في موقع أثري اسم تل تويني (جِبالا القديمة)، كان مأهول من الألفية التالتة ق.م لحد العصر الفارسي.
المماليك والعثمانيين
[edit | edit source]بالعصر المملوكي، كان فيه جامع يسمّى "جامع الأكراد"، شكله بُني على إيد مرافقي صلاح الدين. بالـ1318 صار تمرّد جبلي من العلويين و هجموا ع جبلة قبل ما تصدهم حملة من طرابلس. ابن بطوطة زار جبلة سنة 1326. بالعهد العثماني (1516–1918)، كانت جبلة تتبع ولاية طرابلس، بس بـ1547–1548 صارلها سنجق مستقل، و ضمت حوالي 80 قرية أغلبها علوية. بالـ1564، حكمها ابن جنبلاد الكردي من قلعة كلس. لما العثمانيين احتلوا قبرص بالـ1570 زادت أهمية جبلة كراس الساحل المواجه قبرص بـ120 كم بس. مع السنين خفّت أهمية جبلة و زادت اهمية اللاذقية. بنهاية القرن الـ19، انقسم سنجق جبلة لناحيات فرعية كتيرة.
الحرب الاهلية
[edit | edit source]هجمات 2016
[edit | edit source]بـ23 أيار 2016، صارت تفجيرات انتحارية من قبل داعش، استهدفت تجمعات علوية على الأغلب، و قتلت أكتر من 100 شخص بالمدينة (و بتفجيرات مشابهة بطرطوس راح حوالي 48). قبلها كانت جبلة تقريباً مو متأثرة من الحرب.
زلزال 2023
[edit | edit source]بـ6 شباط 2023، ضرب زلزال عنيف تركيا و غرب سوريا و سبب دمار كبير، بجبلة مات أكتر من 283 شخص و انهار 19 بناء.
الأحداث بأواخر 2024
[edit | edit source]بتاريخ 8 كانون الأول 2024 سيطر الجيش السوري الحر على جبلة.
الاقتصاد
[edit | edit source]كتير من سكان جبلة بيشتغلوا بالزراعة، خصوصي بالحمضيات (بردقان و ليمون) و الزيتون و الخضراوات. جوا المدينة الناس بتشتغل بتجارة و بكم معمل صغير للقطنيات و عصير البردقان، بس بشكل عام الاقتصاد ضعيف، في معاناة بسبب انقطاع الكهرباء، اللي بتأثر ع ضخ المي.
الرياضة
[edit | edit source]نادي جبلة الرياضي هو فريق طابة بيلعب بملعب جبلة (سابقا ملعب البعث) اللي بيوسع حوالي 10 آلاف متفرج.
المناخ
[edit | edit source]مناخ جبلة متوسطي بصيف شوب وشتا معتدل ماطر (Csa حسب تصنيف كوبن).
مصادر
[edit | edit source]روابط برانيه
[edit | edit source]- جبلة على مُعرِّف قاعدة البيانات الحرة (Freebase)
- جبلة على تصنيف ديوي العشري (DDC)
- جبلة على مُعرِّف الروَّاد (WOFID)
- جبلة على مُعرِّف موضوع في موقع كيورا
- جبلة على مُعرِّف لكس في ييل
- جبلة على معرف مدينة في خريطة الطقس المفتوحة
- جبلة على مُعرِّف سنارك (SNARC)
- جبلة على مُعرِّف الأسماء الأرضية (GeoNames)
- جبلة على معرف ميزة GNS
- جبلة على مُعرِّف مكان في موقع "توبوس تيكست" (ToposText)
- جبلة على مُعرِّف مكان في المتحف الرقمي
- جبلة على مُعرِّف الأطلس الرَّقميُّ للإمبراطورية الرُّومانيَّة (DARE)
- جبلة على مُعرِّف موسوعة ناشرو العلوم البولونيون (PWN)
- جبلة على اسم المُستخدِم في إكس
- جبلة على مُعرِّف فيسبوك
 Gabala على تويتر | |
 Gabala على فيسبوك | |
 Gabala على كورا | |
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
ضبط استنادي – Gabala | |
|---|---|
| دوليه | |
| وطنيه | |
| غيرها | |
