Wp/apc/تل أبيض
| مدينة في محافظة الرقة، سوريا | |
| الاسم بالإنجليزي Tell Abyad | |
.jpg) | |
| الموقع | |
| عاصمة لـ | منطقة تل أبيض |
| التقسيم الإداري | ناحية مركز تل أبيض |
| الإدارية | |
| الدولة | سوريا |
| الحكومة والسياسات | |
| منطقة زمنية | توقيت شرق أوروبا |
| لغة رسمية | العربية |
| منطقة زمنية | توقيت شرق أوروبا |
| رمز بريدي | C5792 |
تل ابيض (بالكردي:گرێ سپی، بالسرياني:ܬܠ ܐܒܝܕ، بالأرمني:Թել Աբյադ) هي مدينة بمحافظة الرقة بشمال سوريا. هي المركز الاداري لمنطقة و ناحية تل ابيض. هي ع نهر البليخ يلي بيقسمها لقسم شمالي، يلي اليوم جزء من تركيا اسمه اقجة قلعة، و القسم الجنوبي يلي هو من ضمن سوريا.
التاريخ
[edit | edit source]بالزمن القديم، المنطقة كانت تحت الحكم الآشوري، و بيحكوا إنو هون كان في مستوطنة آرامية اسمها "باليخو" حوالي سنة 814 ق.م. مرّت عليها إمبراطوريات مختلفة متل الروم و البيزنطيين و الساسانيين و الأمويين و العباسيين، و آخر شي ضلّت عثمانية لحد ما خلصت الحرب العالمية الأولى و صارت تحت الانتداب الفرنسي.
الانتداب الفرنسي
[edit | edit source]بفترة الفرنسيين، أسّسوا تل أبيض الحديثة مشان يسيطروا ع الحدود مع تركيا، و كان أول سكانها حوالي 250 عيلة أرمنية هربوا من الأناضول بعد أحداث الإبادة الأرمنية، و بعدين إجت عشائر عربية متل البكّارة مع الجيش الفرنسي و استقروا فيها.
الحرب الأهلية السورية
[edit | edit source]بالحرب الأهلية السورية، سيطر عليها الجيش الحر بآخر 2012، بعدين بال2013 اخدوها جبهة النصرة و داعش، و هجروا الكرد قصرا من المدينة و صادروا بيوتهم و سكنوا عيل نازحة من مناطق تانية. بنص ال2015، فاتت القوات كردية (YPG) ضمن حملة تل أبيض مع فصائل من الجيش الحر، و ضموها لمنطقة الحكم الذاتي بشمال و شرق سوريا. بال2019، بعملية عسكرية تركية مع فصائل الجيش الوطني السوري اسمها "نبع السلام"، دخلوا تل أبيض و سيطروا عليها، و شكّلوا إدارة محلية تابعة للسلطات التركية. من وقتها و المدينة واقعة تحت سيطرة هالقوات التركية وحلفائهن.
السكان
[edit | edit source]حسب احصاء 2004، كان في 14،825 نسمة بمدينة تل ابيض نفسها، و كان في 44،671 شخص بالناحية التابعة الها. اغلب سكان منطقة تل ابيض و المدينة نفسها هنن عرب، و في اقليات متل الأكراد و التركمان و الأرمن. بينقال انّو شي 75% من السكان هنن عرب و 15% تركمان و 10% اكراد، بس في مصادر بتقول انّو عدد الكرد بيوصل للتلت.
مصادر
[edit | edit source]روابط برانيه
[edit | edit source]
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
ضبط استنادي – Tell Abyad | |
|---|---|
| دوليه | |
