Wp/apc/امراه كاراشاي
| سياسي تركي | |
| الاسم بالإنجليزي Emrah Karaçay | |
 | |
| معلومات شخصية | |
| مكان الميلاد | السويدية |
| الجنس | دكر |
| الجنسية | تركيا |
| الحياة العملية | |
| الشغل | سياسي، رجل دولة، طبيب أسنان |
| السياسية | |
| الحزب السياسي | حزب العمال التركي |
إمراه كاراشاي (مولود سنة 1987، بسامنداغ) هو دكتور سنان تركي و سياسي، و هو رئيس بلدية سامنداغ من بعد إنتخابات البلديات التركية سنة 2024.[1]
سيرة
[edit | edit source]كاراشاي خلق سنة 1987 بعيلة علوية عربية بسامنداغ، هاتاي. هنيك خلص دراسته الإبتدائية و الإعدادية و الثانوية. بعدين اتخرج من كلية طب السنان بجامعة أوندوقوز مايس بسامسون، و بعدين فتح عيادته الخاصة بسامنداغ، و بيشتغل هنيك دكتور سنان.
كاراشاي مزوّج و عنده تلاتة ولاد.[2]
المسيرة
[edit | edit source]من سنة 2019، هو عضو بحزب العمال التركي (TİP). بإنتخابات البلديات سنة 2024، اننتخب إمراه كاراشاي رئيس بلدية سامنداغ، و كان المرشّح الوحيد من حزب العمال التركي اللي ربح مقعد بهالانتخابات. بهالإنتخابات البلدية، الحزب الشيوعي التركي ما رشّح مرشّح خاص فيه بالمنطقة، و دعم كاراشاي بدالو.[3][4][5]
بسنة 2024، بلّش إمراه كاراشاي بحملة تنظيف بمنطقة ميليهيا الرطبة بالمنطقة. و أعلن إنه رح ينعمل نظام كاميرات و أبراج مراقبة ليحمو التوازن البيئي بالمنطقة. كمان فرق شرطة البلدية شددت الرقابة ضد الصيد الغير قانوني و رمي نفايات البناء بلا ترخيص. كاراشاي اشتغل مع مراقبين الطيور و المتطوعين ليحافظو على المنطقة. بنفس السنة، كاراشاي عمل جهود ليعملو شبكة غاز طبيعي بالمنطقة.
مصادر
[edit | edit source]- ↑ https://samandag.bel.tr/baskan/baskanin-ozgecmisi
- ↑ https://secim.hurriyet.com.tr/31-mart-2024-yerel-secimleri/tip/hatay/samandag/emrah-karacay-belediye-baskani-adayi/
- ↑ https://www.iha.com.tr/hatay-haberleri/tipin-kazandigi-tek-belediyede-baskan-karacay-mazbatasini-alarak-goreve-ulasti-72100280
- ↑ https://www.milliyet.com.tr/gundem/tipli-baskandan-dayisina-27-bin-tl-ceza-7131443
- ↑ https://artigercek.com/politika/tkp-hatay-samadagda-tip-adayini-destekleme-karari-aldi-285143h
روابط برانيه
[edit | edit source]
