Wp/apc/الميادين
| مدينة في شرق سوريا تتبع محافظة دير الزور | |
| الاسم بالإنجليزي Mayadin | |
| الموقع | |
| عاصمة لـ | تنظيم الدولة الإسلامية |
| التقسيم الإداري | ناحية مركز الميادين |
| الإدارية | |
| الدولة | سوريا |
| الحكومة والسياسات | |
| منطقة زمنية | ت ع م+02:00 |
| منطقة زمنية | ت ع م+02:00، ت ع م+03:00 |
الميادين هي مدينة سورية تابعة لمحافظة دير الزور، وكانت من قبل اسمها الرحبة. هي موقع مدينة أثرية مهمة بمنطقة حوض الفرات، و بتقع على نهر الفرات على بعد 45 كم من مدينة دير الزور بالجهة الجنوبية الشرقية منها. الميادين موجودة وسط سهل خصب على نهر الفرات، و بيشتغل كثير من أهلها بالتجارة و الزراعة. المدينة مشهورة بمواقع أثرية كتيرة، من أهمها قلعة الرحبة التاريخية المشهورة. تسمية "الميادين" اجت من ميادين القتال، لأن المدينة الها جذور تاريخية قديمة و صارت ساحة لعدد من المعارك بسبب أهميتها، خصوصاً لقلعتها. حسب احصاء 2004 كان في 44،028 نسمة.
التاريخ
[edit | edit source]العصر القديم
[edit | edit source]الميادين كانت معروفة باسم "أوداتا" اللي ذكرها بطليموس، بس في ناس بيقولوا انو أوداتا كانت بمكان الحديثة بالعراق.
العصور الوسطى
[edit | edit source]الميادين كانت مدينة وقلعة رحبة مالك بن طوق من العصور الوسطى، اللي أسسها الأمير العباسي مالك بن طوق و اللي كانت مسماية ع اسمو. المدينة كانت موجودة بموقع استراتيجي على مفترق طرق على الضفة الغربية لنهر الفرات و بتعتبر المفتاح لسوريا من العراق، و كان في صراع على السيطرة عليها بين القوى الإسلامية و القبائل البدوية في المنطقة. صارت وحدة من أهم المدن الإسلامية بوادي الفرات و كانت مركز إداري. دمر الزلزال رحبة مالك بن طوق عام 1157، و بعدها منحها الحاكم الزنكي نور الدين لأسد الدين شيركوه، عم صلاح الدين الأيوبي. نقل شيركوه القلعة حوالي أربعة كيلومترات جنوب غرب الموقع الأصلي. المستوطنة الجديدة اللي سموها "الرحبة الجديدة" ضلت مركز مهم بمنطقة الفرات بالعصر الأيوبي والمملوكي (القرنين الثاني عشر والخامس عشر)، واليوم هي قلعة مدمرة اسمها "قلعة الرحبة". المستوطنة الأصلية صارت تعرف ب "مشهد الرحبة"، اللي هي اليوم موقع الميادين.
العصر الحديث
[edit | edit source]ببداية القرن العشرين، كانت الميادين مقر إداري لقضاء العشارة بمتصرفية الزور، و كان فيها مقر إقامة قائم مقام المدينة. بتقرير استخباراتي بريطاني من أوائل القرن العشرين، كان عدد سكان المدينة شي 2000 نسمة، أغلبهن من المسلمين السنة و أقلية صغيرة من المسيحيين. كان فيها بازار كزا محل و جامع بمئذنة مايلة. وفقاً للمستكشف التشيكي ألويس موسيل، اللي زار المدينة سنة 1912، كانت الميادين فيها حامية مكونة من 12 دركي و 10 شرطيين و 10 راكبين بغال. كان في مدرسة ابتدائية للبنين بالمدينة. عدد السكان كان حوالي 2500 نسمة، بينهن حوالي 400 عيلة مسلمة، و15 عيلة سريانية أرثودكسية (اكترهن لاجئين من ماردين)، و عيلات يهودية، و كانوا عايشين بحوالي 380 بيت. ب 19 حزيران 1947، تحطمت طيارة بان أم 121، اللي كان عليها الضابط الثالث جين رودنبريري (اللي بعدين أنشأ مسلسل ستار تريك الأصلي)، على بعد 4 أميال (6.4 كم) من المدينة.
الثورة و الحرب السورية
[edit | edit source]بالحرب الأهلية السورية، سيطر الجيش الحر ع الميادين بآخر آب 2012 بعد معارك بالمدينة. المنطقة الوحيدة اللي ضلّت بإيد النظام كانت القاعدة العسكرية بالميادين (موقع مدفعي على تلة بتطلّ عالمدينة)، بس سيطرت عليها المعارضة ب 22 تشرين الثاني، و هيك صار بإيد الثوار مساحة كبيرة من الأراضي شرق القاعدة لحدود العراق. ب 3 تموز 2014، أخدت داعش المدينة بعد ما طردت الجيش الحر و رفعت رايتها السودة عليها. صار في حركة مقاومة سرية محلية من مقاتلين سنة موالين لجبهة النصرة هاجموا حواجز داعش بالمدينة بسنة 2015، الشي اللي خلّى داعش تحفر خندق دفاعي حوالي 15 كم حول الميادين. ب 3 نيسان 2017، و خلال حملة قوات سوريا الديمقراطية (قسد) لأخد الرقة، نقلت داعش حسب بعض التقارير عاصمتها من الرقة للميادين، بعد شهور من نقل مواردها و قادتها لهنيك. و ب 21 نيسان أعلنت أمريكا إنها نفّذت عملية برية بالميادين و قتلت عبد الرحمن الأوزبكي، واحد من القادة بداعش. ب 18 حزيران 2017، استهدفت إيران مواقع داعش بالميادين بصواريخ سطح-سطح متوسطة المدى. ب 10 تشرين الأول 2017، حاصر الجيش العربي السوري المدينة، و بلّشت معارك بالأطراف تجهيزاً لاقتحامها. ب 11 تشرين الأول 2017، تقدّم الجيش السوري بقوة جوا المدينة و سيطر على حوالي 60% منها. ب 14 تشرين الأول، سيطر عايها بالكامل، و أنهى حكم داعش اللي استمر 4 سنين فيها. ب حزيران 2018، حاولت داعش تسيطر عالمدينة بس ما نجحت. ب كانون التاني 2024، قسد اخدت اغلب مدن الدير اللي ع غرب الفرات، بس الحكومة السورية المؤقطة ردت سيطرت عليهن
مصادر
[edit | edit source]روابط برانيه
[edit | edit source]- الميادين على مُعرِّف قاعدة البيانات الحرة (Freebase)
- الميادين على مُعرِّف الروَّاد (WOFID)
- الميادين على مُعرِّف مكان في المتحف الرقمي
- الميادين على مُعرِّف الأسماء الأرضية (GeoNames)
- الميادين على مُعرِّف تصنيف في المخزون الثقافي
- الميادين على معرف ميزة GNS
- الميادين على مُعرِّف الموسوعة الكتالونية الكبرى (GEC)
- الميادين على تصنيف ديوي العشري (DDC)
- الميادين على مُعرِّف سنارك (SNARC)
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
ضبط استنادي – Mayadin | |
|---|---|
| دوليه | |
| وطنيه | |
