Wp/apc/المالكية (الحسكة)
| مدينة في أقصى روج افا على نهر دجلة | |
| الاسم بالإنجليزي Derka Hamko ( ديرك حمو)(مالكية) | |
 | |
| معلومات عامة | |
| سُمِّي باسم | عدنان المالكي |
| الموقع | |
| عاصمة لـ | منطقة المالكية |
| التقسيم الإداري | ناحية مركز المالكية |
| الإدارية | |
| الدولة | سوريا |
| الحكومة والسياسات | |
| منطقة زمنية | ت ع م+02:00 |
| رمز الهاتف | 052 |
| منطقة زمنية | ت ع م+02:00، ت ع م+03:00 |
المالكية (بالكردي: دێرکا حەمكۆ، بالسرياني: ܕܪܝܟ "ديريك")، المعروف كمان باسم ديريك، هي مدينة بشمال شرق سوريا تابعة لمحافظة الحسكة. منطقتها هي أقصى الشمال الشرقي للبلد، و بينها و بين نهر دجلة حوالي 20 كم. بيمر هالنهر بالنقطة الحدودية الثلاثية بين سوريا و تركيا و العراق. بـ2004 كان عدد سكان المالكية حوالي 26 ألف، و في تقديرات بتقول إنو العدد وصل لـ 39 ألف بـ2024. فيها أكراد و آشوريين و عرب و أرمن، و هي مركز لناحية فيها 108 تجمعات سكانية، عدد سكانهن حوالي 125 ألف.
التسمية
[edit | edit source]في نظريتين عن اسمها بالسرياني و الكردي: الأولى بتقول إنو في دير قديم قريب من موقع المدينة الحالي، و التانية بتقول إنو في كلمة كردية "Dêrik" جاية من "du rek" يعني "طريقين". بـ1957، سموها "المالكية" ع اسم ضابط اسمو عدنان المالكي، و بـ1977 صدر مرسوم بيمنع استخدام الأسماء غير العربية.
التاريخ
[edit | edit source]المدينة موجودة بنص سهل هسنا بين نهر دجلة و نهر صفين. هالمنطقة كانت تحت سيطرة إمارة بوتان الكردية لحد سنة 1848، و كانت قبيلة هسنا الكردية ساكنة بهالمناطق. قبل ما تكبر و تصير مدينة، كانت قرية ديريك معطاة من الأمير بدرخان بوتاني لـ"حمكو هسني" اللي كان قائد عسكري بإمارة بوتان، و من هون إجا اسم "دێركا حەمكۆ". بعد الحرب العالمية الأولى، الفرنسيين اعتمدوا ع بعض العشاير الكردية ليضبطوا مناطق شرق الفرات لحد دجلة، و كانوا بالأول حاطين عين ديوار كمركز إداري، بس بـ1927 نقلوا المركز لديريك، من وقتها بلشت تتطور المدينة. حاليّاً المالكية خامس أكبر مدينة بمحافظة الحسكة حسب إحصاء 2004.
الحرب الأهلية
[edit | edit source]حالياً المالكية تحت سيطرة قسد. بـ21 تموز 2012، الـYPG سيطروا عليها، بس كان في مصادر تانية بتقول إنو لسا كان في معارك بالمدينة. بـ22 تموز، الاشتباكات كانت لساتها مستمرة، و اتقتل ناشط كردي برصاص الأمن (حسب ما بيحكوا). بشهر تشرين التاني 2012 انسحبت القوات النظام منها. بعدها حولوا سلطات الأكراد سجن اسمو "سجن ديريك" بالمالكية لحبس لعناصر داعش. بنيسان 2019 صار في محاولة هروب كبيرة من حوالي 200 داعشي، فيهم فرنسيين، بس فشلت و توزعوا على سجون تانية. بـ أيار 2020، روسيا بلشت تبني قاعدة عسكرية جديدة بـ قرية "قصر ديب" جنب المالكية. كمان بـ2021، الجيش الأمريكي بنى قاعدة اسمها "Forward Operations Base" حوالي 3.8 كم جنوب المدينة، فيها قوات خاصة و دوريات بآليات برادلي. بـ2 شباط 2022، أربع مدنيين اتقتلوا بغارة جوية تركية بدون طيار ع محطة كهربا قريبة من المدينة.
السكان
[edit | edit source]بسنة 2004 كان فيها حوالي 26,311 نسمة. أغلبهن من الأكراد و الآشوريين، و في أقليات عربية و أرمنية. اغلب سكان النص الشمالي أكراد مسلمين، و الجنوبي أكترو آشوريين مسيحيين. كمان المدينة هي مركز اقتصادي للمنطقة، و بيجيها ناس كتير من القرى و المناطق يلي حواليها خاصة الصبح للتسوق و الشغل. بالسنين الأخيرة صارت تتوسع عمرانياً بشكل كبير. بتشرين التاني 2014، ما بقي الا 200 ارمني بالمدينة، يعني اقل من نص عددهن قبل الحرب.
مصادر
[edit | edit source]روابط برانيه
[edit | edit source]- Dermaßen hanko على مُعرِّف الروَّاد (WOFID)
- Dermaßen hanko على مُعرِّف موضوع في موقع كيورا
- Dermaßen hanko على مُعرِّف مَكنز "غيتي" للمُصطلحات الجغرافية (TGN)
- Dermaßen hanko على مُعرِّف سنارك (SNARC)
- Dermaßen hanko على مُعرِّف الأسماء الأرضية (GeoNames)
- Dermaßen hanko على معرف ميوزك برينز للأماكن
- Dermaßen hanko على معرف ميزة GNS
- Dermaßen hanko على مُعرِّف قاعدة البيانات الحرة (Freebase)
- Dermaßen hanko على مُعرِّف تصنيف في المخزون الثقافي
 Derka Hamko ( ديرك حمو)(مالكية) على كورا | |
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
ضبط استنادي – Derka Hamko ( ديرك حمو)(مالكية) | |
|---|---|
| دوليه | |
| وطنيه | |
| جغرافيه | |
