Wp/apc/القنيطرة (سوريا)
| مدينة في جنوب غرب سوريا | |
| الاسم بالإنجليزي Quneitra | |
 | |
| الموقع | |
| عاصمة لـ | محافظة القنيطرة |
| التقسيم الإداري | هضبة الجولان، ناحية مركز القنيطرة |
| الإدارية | |
| الدولة | سوريا |
| الموقع الرسمي | |
| الموقع الرسمي | http://www.equnaytra.sy/ |
| الحكومة والسياسات | |
| رمز الهاتف | 43 |
القنيطرة هي مدينة سورية وعاصمة محافظة القنيطرة يللي اغلبها تحت سيطرة الأحتلال الأسرائيلي. القنيطرة بتقع بجنوب غرب البلد. القنيطرة هيه بوادي مرتفع بهضبة الجولان، على ارتفاع شي 1010 متر عن سطح البحر. انبنت أيام العثمانيين كمحطة على طريق القوافل لدمشق، و بعدين صارت بلدة فيها حوالي 20 ألف نسمة. موقعها استراتيجي لأنو قريب ع خط النار مع إسرائيل، و اسمها مصغر كلمة قنطرة و بيعني "الجسر الصغير".
بتاريخ 10 حزيران 1967، آخر يوم بحرب النكسة، صارت القنيطرة تحت السيطرة الإسرائيلية. بعد حرب تشرين، الجيش السوري فات ع المدينة لفترة قصيرة، بس إسرائيل رجعت سيطرت عليها. قبلما تنسحب إسرائيل من القنيطرة بشهر حزيران 1974، كانت المدينة مدمّرة بالكامل تقريبًا، و كل سكّانها و اغلب سكّان الجولان تهجروا ل مناطق متل ريف دمشق و درعا.
بين 1973 و 2024، القنيطرة كانت تحت إشراف قوات الأندوف بين سوريا وإسرائيل، و قريبة كتير من الخط البنفسجي. إسرائيل ردت احتلتها بآخر ايام 2024 لأنو جيش النظام السابق انسحب. ما فيها غير كم عيلة عايشين فيها. الحكومة السورية ما وافقت على إعادة إعمارها، و حتى شجّعت الناس على انو ما يسكنو فيها. الأمم المتحدة انتقدت إسرائيل بشدّة لأنو دمروها، بس إسرائيل انتقدت سوريا لأنها ما عم تعيد إعمارها.
السكّان
[edit | edit source]اغلب سكّان الجولان تهجرو بحرب النكسة، و اليوم في حوالي 600,000 شخص اصلن من الجولان نازحين بمناطق تانية بسوريا، متل الحجر الأسود و الست زينب و سبينة بريف دمشق، و مخيم درعا و درعا البلد و قرى حوران بدرعا. لليوم اسرائيل ما عم تسمحلن العودة لبيوتهن لأنو بتقول انو الجولان صار اسرائيلي. بس بقي كم قرية متل مجدل شمس و غجر لهلأ سكّانهن قاعدين فيهن بالجولان المحتل. قبل تهجيرها، كانو اغلب السكّان عرب، و في اقلية شركسية كمان كبيرة و لهلأ موجودين ببلدة بير عجم. كمان كان في تركمان بفيق و بلدات تانية بالجولان. حاليا اغلب السوريين بالجولان المحتل هنن من طائفة الموحدين الدروز، و في اقلية علوية كمان.
الجغرافيا
[edit | edit source]بما انو القنيطرة بوادي عالي بالجولان، و حواليها بقايا بركانية قديمة، هي منطقة كتير خصبة. كانت مشهورة بزراعة القمح و التفاح و الرعي.
مصادر
[edit | edit source]روابط برانيه
[edit | edit source]- القنيطرة على مُعرِّف قاعدة البيانات الحرة (Freebase)
- القنيطرة على مُعرِّف الروَّاد (WOFID)
- القنيطرة على مُعرِّف لكس في ييل
- القنيطرة على مُعرِّف سنارك (SNARC)
- القنيطرة على مُعرِّف الأسماء الأرضية (GeoNames)
- القنيطرة على مُعرِّف أطلس "أوبسكيورا" (Obscura)
- القنيطرة على معرف ميزة GNS
- القنيطرة على مُعرِّف الموسوعة الكتالونية الكبرى (GEC)
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
ضبط استنادي – Quneitra | |
|---|---|
| وطنيه | |
