Wp/apc/القصير (سوريا)

القصير
قرية في سوريا
الاسم بالإنجليزي Al-Qusayr
الموقع
التقسيم الإداري	محافظة حمص، ناحية مركز القصير
الإدارية
الدولة	سوريا
الحكومة والسياسات
منطقة زمنية	ت ع م+02:00
منطقة زمنية	ت ع م+02:00، توقيت شرق أوروبا

القصير هي مركز منطقة القصير و وحدة من المدن التابعة لمحافظة حمص بسوريا. بتميّز بمساحتها الكبيرة و قربها من نهر العاصي، و فيها نشاطات زراعية و صناعية و تجارية متنوعة، و عدد كبير من القرى التابعة إلها إدارياً. شهدت منطقة القصير معركة قادش التانية بين الفراعنة و الحثيين، و اللي انكتب بعدها أول معاهدة سلام موثقة بالتاريخ. المدينة الحديثة نشأت بالقرن الـ18، و قبل هيك كان موقع المدينة الأساسي ع نهر العاصي، بس الأمراض و الأوبئة خلّت السكان يبتعدو شوي للداخل.

بمنطقة القصير في تلات طواحين مائية بيرجعو للعهد البيزنطي الأول، و بيمر فيها خط حديد الحجاز و فيها محطة كانت وحدة من أهم المحطات ع خط (رياق-حلب). موقع القصير ع طريق حمص-بعلبك الدولي استراتيجي، و عطاها أهمية مضاعفة لإنو بيربط البقاع اللبناني بمحافظة حمص بوسط سوريا عبر معبر جوسية. إتأسس مجلس بلدية القصير سنة 1919 بعهد الحكومة العربية الأولى خلال الحكم الفيصلي.

السكان و النشاطات

عدد سكان المدينة حوالي 42 ألف نسمة، و إدارياً بتتبع لها أكتر من 40 قرية. المدينة مرتبطة بحمص عن طريق شبكة مواصلات بتأمن اتصال مباشر بين السكان و باقي القرى. كمان كانت قديماً محطة مهمة ع خط السكك الحديدية اللي كان بيربط سوريا بلبنان عبر سكة حديد "رياق-حلب"، بس بعد اندلاع الحرب الأهلية اللبنانية توقف العمل بهالخط.

القصير بتنتج أنواع مختلفة من المحاصيل الزراعية بسبب مناخها اللي بيساعد ع الزراعة. فبتزرع التفاح و المشمش اللي بتميّز المنطقة عن غيرها، و بالنسبة للحبوب فبيزرع القمح و الشعير اللي إلو ميزاته الخاصة. و كمان فيها زراعة الزيتون بأنواعه المختلفة، و لهيك بتلاقي بمعاصر الزيتون اللي بتنتج زيت الزيتون النقي.

الجغرافيا

المدينة بتبعد عن حمص باتجاه الغرب حوالي 35 كيلومتر، و عن الحدود اللبنانية حوالي 15 كيلومتر. أغلب أراضيها سهلية و ما فيها ارتفاعات كتيرة، و معظمها أراضي مروية بتتغذى من مياه نهر العاصي، بس في جزء منها "بعلي" ما بتوصلو مي النهر.

بمنطقة القصير في عدد من الينابيع، متل عين التنور اللي بتعتبر وحدة من أهم الينابيع بالمنطقة، و عين الساخنة و عين السمك و عين الدمامل. كمان فيها عدد من محطات معالجة مي الشرب اللي بتغذي أغلب مناطق محافظتي حمص و حماة. المنطقة بتشكل صلة وصل بين الريف اللبناني الشمالي و محافظة حمص، و ازدهرت تجارياً بسبب النشاط التجاري بين سكان شمال لبنان و سكان المناطق المقابلة من الحدود السورية.

بالمنطقة كمان تل قادش بموقع مدينة قادش الأثرية، و بيمر بالمدينة وادي ربيعة اللي بيبدا من جبال القلمون و بينتهي ع نهر العاصي.

روابط برانيه

• القصير على مُعرِّف قاعدة البيانات الحرة (Freebase)
• القصير على مُعرِّف الروَّاد (WOFID)
• القصير على مُعرِّف الأسماء الأرضية (GeoNames)
• القصير على معرف فيس بوك للأماكن
• القصير على مُعرِّف سنارك (SNARC)
• القصير على معرف ميزة GNS
• القصير على مُعرِّف الموسوعة الكتالونية الكبرى (GEC)
• القصير على معرف فرانس 24 (الفرنسية)

Al-Qusayr على مواقع التواصل الاجتماعي

القصير على المشاريع الشقيقة

صور و ملفات صوتية من كومنز على كومنز