Wp/apc/القرداحة
| قرية في محافظة اللاذقية في سوريا | |
| الاسم بالإنجليزي Qardaha | |
| الموقع | |
| عاصمة لـ | منطقة القرداحة |
| التقسيم الإداري | ناحية مركز القرداحة |
| الإدارية | |
| الدولة | سوريا |
القرداحة مدينة بشمال غرب سوريا، موجودة بالجبال المطلة ع مدينة اللاذقية الساحلية. بتبعد حوالي 350 لـ500 متر عن سطح البحر. عدد سكانها كان 8,671 حسب إحصاء 2004. غالبية سكانها من الطائفة العلوية، و كانت معقل عائلة الأسد اللي حكمت سوريا من سنة 1970 لحد 2024. مع انهيار النظام بكانون الأول 2024، بيُعتقد إنو كتير من الموالين هربوا ع القرداحة.
المناخ و الجغرافيا
[edit | edit source]مناخها متوسطي بصيف شوب وشتا معتدل ماطر، بتنزل الأمطار بعدد منيح، و في فترات القصيرة بينزلوا تلوج بالشتا. الموقع الجبلي و الطبيعة الخضرا بيساعدوا على الزراعة، و بتنتشر بساتين التفاح و الحمضيات و التبغ بالمنطقة.
التاريخ
[edit | edit source]العثمانيين
[edit | edit source]حسب روايات تاريخية، سكان القرداحة من حلف قبائل الكلبية، و كانت القرداحة مركز رئيسي الن. بالقرن الـ19 كانت العلاقات متوترة بين السلطات العثمانية و القبائل العلوية بهالجبال. بسنة 1854، والي سنجق اللاذقية العثماني انقتل بمواجهة مع أفراد من قبيلة القرداحة، فصاروا الكلبيّة ينفذوا هجمات ضد العثمانيين و الجيش ردّ بقسوة.
أوضاع الأهالي
[edit | edit source]خوف الأهالي (فلاحين علويين) من التجنيد و الضرائب كان من أسباب عدم تكوين تجمعات سكانية كبيرة حوالي القرداحة، فضلّوا السكان بقرى صغيرة حواليها. كان في نسبة منيحة من المسيحيين، بس بنص القرن الـ20 تركوا المدينة و راحوا غالباً للمدن الساحلية الأكبر.
من بلدة لمدينة
[edit | edit source]بالـ1970 صارت القرداحة تُصنّف مدينة، مع الشيخ بدر و دريكيش، و صاروا يشكّلوا 6% من سكان محافظتي اللاذقية و طرطوس مجتمعين. كمان صارت مركز منطقة مستقلة. بيقول الباحث فابريس بالانش إنو الحكم البعثي فضلها (و للمدن العلوية)، فمثلاً صارت مركز منطقة رغم إنو مناطق تانية أكبر (متل القدموس و مشتى الحلو) ما نالت هالتصنيف. توسعت المدينة بسرعة ما بين 1970 و1981 بفضل الوظايف الإدارية و الاستثمارات الحكومية، كمصنع تبغ.
بفترة الحرب الأهلية السورية
[edit | edit source]ببداية تشرين الأول 2012، صار اشتباك بين عائلة الأسد و عشيرة الخيّر، بعد خلاف بخصوص توقيف عبد العزيز خيّر بمطار دمشق. بـ24 نيسان 2013، ضرب المعارضين المدينة بقذائف صاروخية. بأوائل آب 2013، مقاتلين المعارضة تقدّموا لحد قرية عرامو، على بعد حوالي 20 كم من القرداحة، و قال واحد منّن إنو "الهدف ضرب القرداحة و توجيعهن متل ما النظام عم يوجعنا." بتاريخ 11 كانون الأول 2024، صار في حريق بأضرحة حافظ الأسد و باسل الأسد بالمدينة بعد هجوم للمعارضة.
مصادر
[edit | edit source]روابط برانيه
[edit | edit source]
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
ضبط استنادي – Qardaha | |
|---|---|
| دوليه | |
