Wp/apc/الطبقة
| مدينة سورية تتبع إدارياً لمحافظة الرقة | |
| الاسم بالإنجليزي Tabqa | |
 | |
| الموقع | |
| عاصمة لـ | منطقة الثورة |
| التقسيم الإداري | ناحية مركز الطبقة |
| الإدارية | |
| الدولة | سوريا |
| الحكومة والسياسات | |
| منطقة زمنية | ت ع م+02:00 |
| منطقة زمنية | ت ع م+02:00، ت ع م+03:00 |
الطبقة هي مدينة بمحافظة الرقة بشمال سوريا، و مركز منطقة و ناحية الطبقة. هي كمان مركز اقليم الطبقة يلي من ضمن الادارة الذاتية لشمال و شرق سوريا. كمان بتعرف بإسم الثورة لأنو تسمت ع اسم انقلاب 8 اذار يلي وصل حزب البعث للسلطة، و خلال فترة حكم البعث هاد كان اسمها الرسمي.
التاريخ
[edit | edit source]قبل الحرب
[edit | edit source]الطبقة مدينة موجودة ع ضفاف نهر الفرات بريف الرقة. بلشت تتطور بشكل أساسي لمّا صار في مشروع سدّ الطبقة و بحيرة "الأسد" (يلي سكان المنطقة بيقولوا عنها بحيرة الفرات) بالسبعينات، و اللي صار مصدر مهم للطاقة و المي بسوريا. مع الزمن كبرت المدينة و صار فيها ناس من مناطق مختلفة عم يجوا عليها للشغل سواء بالسد أو بالخدمات التانية اللي نبتت حواليه. صار في طرق مهمة بتمرّ منها، بتوصل الرقة بحلب، مشان هيك صارت نقطة وصل حيوية بين هالمدينتين.
الحرب الأهلية السورية
[edit | edit source]مع بداية الأحداث بسوريا، بـ 26 تشرين التاني 2012 صار في كتير حواجز بالطريق اللي بيمر بين الرقة لحلب عبر الطبقة. بـ11 شباط 2013، دخلوا مجموعات تابعة للمعارضة (متل جبهة النصرة و لواء أويس القرني) و سيطروا على المدينة. بعدين، بـ25 تشرين التاني كان في مواجهات عنيفة مع النظام، بس المعارضة بقيت مسيطرة. بكانون التاني 2014، أخدت داعش المنطقة، و حوّلت كنائس و مراكز عبادة تانية لمحلات لتخزين الأسلحة أو حظائر، و دمّرت رموز دينية مختلفة، و كمان دمّرت جامع الزهراء الشيعي، و خلّت المساجد و المراكز تبع الإسماعيليين مركز تدريب للاولاد. بالـ2017، قوات سوريا الديمقراطية (قسد) فاتت ع الطبقة من ضمن معركة مع داعش، و سيطرت عليها. خلال المعارك، صارت ضربات قوية و اندمر أو تضرر حوالي 40% من المباني بالمدينة. كمان بـ22 آذار 2017 صار في غارة جوية للتحالف الدولي قتلت أو جرحت عدد كبير من المدنيين حسب تقارير محلية ودولية.
السكان
[edit | edit source]قبل الحرب، كانوا اغلب سكان المنطقة من العرب السنة، و كان في اقليات كردية و ارمنية و سريانية و اشورية و اسماعيلية و شيعية. كان في شي 1،000 اشوري، نصهن من كنيسة المشرق (من قرى نهر الخابور) و باقي اغلبهن سريان ارثودكس و في كمان كلدان كاثوليك، سريان كاثوليك، و كم عيلة بروتستانتية. هلّق ما عاد بقي كتير مسيحيين لأنو كلّن هجروا لمّا داعش سيطرت ع المنطقة و عدد كتير قليل رجعو عليها.
مصادر
[edit | edit source]روابط برانيه
[edit | edit source] Tabqa على فيسبوك | |
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
ضبط استنادي – Tabqa | |
|---|---|
| دوليه | |
| وطنيه | |
