Wp/apc/الشيخ بدر
| بلدة في محافظة طرطوس غرب سوريا | |
| الاسم بالإنجليزي Al-Shaykh Badr | |
| الموقع | |
| التقسيم الإداري | ناحية مركز الشيخ بدر |
| الإدارية | |
| الدولة | سوريا |
الشيخ بدر هي مدينة بغرب سوريا بتتبع لمحافظة طرطوس. بترتفع عن سطح البحر شي 536 متر. حسب إحصاء سنة 2004، كان عدد سكان مدينة الشيخ بدر (مركز الناحية) 9486 نسمة. من سنة 2008، وصل عدد سكان الناحية لحوالي 47982 شخص. أغلب سكانها من الطائفة العلوية. اسم البلدة جاي من ضريح لرجل اسمه "الشيخ بدر"، موجود فيها، و كان مكرّم عند العلويين و غيرن من الطوائف بالمنطقة.
التاريخ
[edit | edit source]العهد العثماني
[edit | edit source]المدينة الحديثة بتضم قرية اسمها مريقب، يلي كانت مذكورة بمرحلة الحكم العثماني (1517–1918) كقرية. سجلات الضرائب بين 1519 و 1524 بتورجي إنو القرية كانت بتدفع 186 درهم (أو قرش)، و ارتفع هالمبلغ ل 396 درهم بسنة 1547، و وصل ل1600 درهم بسنة 1645. لما كانت سوريا تحت حكم محمد علي (والي مصر) (1832–1841)، بعت إبراهيم باشا سنة 1834–1835 حوالي 500 مقاتل درزي ليقمعوا تمرد العلويين بهديك الجبال، بس كل هالدروز انقتلوا قريب من مريقب بمطرح لسا الناس بيسموه "صخرة الدم".
فترة الانتداب الفرنسي
[edit | edit source]الشيخ بدر هي مسقط رأس الشيخ صالح العلي، شيخ علوي عمل ثورة ضد الفرنسيين سنة 1919 (بالفترة يلي سبقت إعلان الانتداب الفرنسي على سوريا رسميّاً 1920–1946). هون كمان عاشت جماعة البشارغة، جزء من اتحاد قبائل المطاورة، أصلهن من قرية بشراغي، و هنن لعبوا دور أساسي بالثورة. صالح العلي و كم شخصية علوية أعلنوا ثورتن بهالمنطقة بنهاية 1918، و بأوائل 1919 ضربوا الفرنسيين القرية بالمدفعية. بشهر تشرين التاني 1920، وقت صارت الثورة شبه مقموعة، دخلت القوات الفرنسية الشيخ بدر و اعتقلت/أعدمت زعما علويين فيها.
بعد الاستقلال
[edit | edit source]سنة 1967، رغم إنو الشيخ بدر كانت صغيرة و ما فيها حركة تجارية (كان بس فيها دكانة وحدة)، صارت مركز منطقة (منطقة الشيخ بدر). بالـ1970، اتصنفت كمدينة مع دريكيش و القرداحة، يلي كلن قرة علوية. هالشي خلاهن يكونوا أول قرى علوية بيتصنفو كمدن بسوريا. رغم إنو كان عدد سكانها 437 نسمة بس، و ما كان عندها سوق فعلي لضواحيها، الدولة كانت تدعمها كتير لأنو عيلتها البشارغة كان إلها دور بمقاومة الفرنسيين، و كمان طلع منها ضباط كبار بالجيش بفترة حكم البعث. ع مدخل الشيخ بدر حطوا تمثال كبير لصالح العلي، و ع تلة بتطل عالمدينة بنوا ضريح إلو، و سمّوه رسميا ك "أول ثائر سوري".
بين 1975 و 1985، ازدهرت المدينة بسبب الاستثمارات الحكومية و زيادة التوظيف بالقطاع العام. بالـ1984، توسّعت بلدية الشيخ بدر و ضمّت أربع قرى حواليها ضمن مخطط توسيع يستهدف وصول المدينة لـ20 ألف نسمة. بسنة 2000، صار عدد سكان المدينة حوالي 5000، و كان مركز المدينة (يعني الشيخ بدر قبل التوسيعات الادارية) فيه تقريباً 2000. عالم الانثروبولوجيا فابريس بالانش حكى إنو من الصعب تتشكل كتلة عمرانية موحّدة بالمنطقة، و قال إنو المدينة بالأساس شارع رئيسي ببنايات خدمية و محلات تجارية متباعدة، و الجزء الشرقي فيو أبنية إدارية (مدارس، مركز اتصالات و بريد)، و البيوت متفرقة، و كانت مجرد طابق واحد خواليه حدائق. مع الوقت، تراجع دعم الدولة و تدهور وضع المدينة اقتصادياً. بوقتها فتحوا بقالات و محلات بكل القرى القريبة، و تحسنت الطرق مع مدينة طرطوس، فضعف دور الشيخ بدر كسوق تجاري للمنطقة، و نص المحلات الجديدة سكّرت بعد 1985. الزراعة ما بتجيب ربح كبير لأهاليها إلا بدرجة محدودة من خلال التبغ و دود القز و التفاح.
مصادر
[edit | edit source]روابط برانيه
[edit | edit source]
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
