Wp/apc/التل (ريف دمشق)
| مدينة في محافظة ريف دمشق من سوريا | |
| الاسم بالإنجليزي Al-Tall | |
| الموقع | |
| التقسيم الإداري | محافظة ريف دمشق، ناحية مركز التل |
| الإدارية | |
| الدولة | سوريا |
التل مدينة من أكبر البلدات بضواحي دمشق، و بتقع شمال دمشق. التل ناحية إدارية و مركز منطقة التل بمحافظة ريف دمشق. مدينة التل مدينة جبلية بارتفاعات متدرجة، بيرتفع مستواها عن سطح البحر بين 900 و 1200 متر، و بتقع بسلسلة جبال القلمون الممتدة من دمشق بالجنوب لحمص بالشمال، و بتبعد عن مدينة دمشق حوالي 14 كم للجنوب.
بيحدها من الشمال عسال الورد و سرغايا بريف دمشق و الطفيل و عين الجوزة و النبي حام و معربون من قضاء بعلبك بلبنان. و من الجنوب برزة و دمّر و الصالحية بدمشق. من الشرق أراضي القطيفة و حلا و التواني و حفير التحتا و معرونة. من الغرب بلودان و إفرة و بسيمة و أشرفية و الهامة و دُمَر. نشأت التل على أنقاض تلت قرى تاريخية، القسيمية و البطيحة و القواصر، هلأ صاروا ضمن المدينة. أخدت التل اسمها من موقعها لما بنى أهلا بيوتن فوق تل عالي بأول سلسلة القلمون الجبلية، و تركوا الوديان للزراعة.
التسمية
[edit | edit source]من الناحية اللغوية، "التل" هو أي شي بيرتفع عن الأرض اللي حواليه، بس بيضل أقل من الجبل.
أخدت هالمدينة اسمها من موقعها، لأنو بيوتها القديمة كانت مبنية فوق تل عالي بأول السلاسل الجبلية.
بعدين امتد العمران باتجاهات مختلفة.
الجغرافيا
[edit | edit source]التل بتتمتّع بموقع حلو عند القواعد الجنوبية الغربية لسلاسل جبال القلمون، بارتفاع حوالي 1100 متر عن سطح البحر، شمال دمشق بنحو 14 كيلو، بوسط وادي منين الأخضر يلي حلو الجو فيه، و بيعتبر من المناطق الاصطيافية و السياحية المهمة بهالمنطقة من سوريا، لأنو هواه منيح و المي صافية و أشجارو كتيرة و فيها ظلال كتير و الطبيعة فيها حلوة.
مساكن التل منتشرة ع ضفتي الوادي بمنطقة جبلية صخورها طباشيرية، وبيمرّ فيها طريق طالع لفوق من دمشق وبرزة باتجاه مصايف القلمون بالشمال. بيجاورها من البلدات والقرى بالشمال مدينة منين و بينهم 5 كيلو، و من الغرب الدريج وبينهم 5 كيلو، و من الجنوب معربا و بينهم 3 كيلو، و من الشرق معرونة و بينهم 9 كيلو. مساحة حدودها الإدارية بتوصل ل4800 هكتار مع قرية حرنة. و التل مركز منطقة بيتبعلها قرى كتيرة: حرنة (يلي صارت حي من أحياء التل)، و منين، و معربا، و الدريج، و حلبون، و معرونة، و تلفيتا، و فيها ناحيتين هنن صيدنايا ورنكوس.
التاريخ
[edit | edit source]مدينة التل الحالية هي تجمع سكّاني حديث تطوّر بسرعة بشكل ملحوظ بفضل تعاون أهلها ومثابرتهم بالشغل والعطا. المدينة نشأت ع بقايا تلات قرى تاريخية: القسيمية و البطيحة و قواصر، و انضمت إلها بآخر السنين قرية حرنة اللي بتقع عالضفة الغربية للوادي بسبب وصول العمران لهنيك.
فيها مواقع أثرية كتيرة، من ضمنها مزار مشهور للشيخ قسيم، وذكره الشيخ عبد الغني النابلسي لما مرّ بهالمنطقة سنة 1105 هجري (1693م)، و قال إنو الاسم الصحيح (قُثَم) بضم القاف و تبديل السين بثاء وفتحها. و حكى واحد للنابلسي إنو هالشخص هو قثم بن عبد الله بن العباس، مو قثم بن العباس ابن عم النبي محمد (ص). ابن الأثير ذكر إنو قثم بن العباس ولاّه علي بن أبي طالب ع مكة، و قال الزبير إنو علي ولاّه ع المدينة، و بعدين مشي بأيام معاوية لسمرقند مع سعيد بن عثمان بن عفان و مات هنيك شهيد. بس في ناس بيرجحوا إنو هالمرقد لقسّام الحارثي التراب، فتى تلفيتا، و يُقال إنو انقطع إلو بعد خلعو، و كان قسّام من زعما مدينة دمشق، و واجه الفاطميين بإحدى المعارك، و بعدين استقرّ بمطرح قريب من منين متل ما ذُكر بكتب التاريخ.
وبيمر بأراضي التل قناة أثرية كبيرة محفورة بالصخر جايّة من حوالي منين، و بينقال إنها جزء من (نهر المرا) اللي حكى عنه بعض المؤرخين إنو بيجيب المي العذبة من أعالي بردى وبيروح فيها بعيد باتجاه الشرق.
ومن الشواهد الأثرية اللي لقوها بالتل أعمدة وحجارة من العصر الحجري بطبقاته التلات، بس ما صار فيه تنقيب كافي بالمكان. الظاهر إنو الزلازل لعبت دور كبير بتهديم هالآثار، خصوصي زلزال سنة 1759 م، ويُقال إنو دمّر قرى معربا و التل بالكامل.
مصادر
[edit | edit source]روابط برانيه
[edit | edit source]- التل على مُعرِّف قاعدة البيانات الحرة (Freebase)
- التل على مُعرِّف الروَّاد (WOFID)
- التل على مُعرِّف موسوعة بريتانيكا على الإنترنت (EBID)
- التل على مُعرِّف سنارك (SNARC)
- التل على مُعرِّف الأسماء الأرضية (GeoNames)
- التل على معرف ميزة GNS
- التل على مُعرِّف جوجل لرسوم المعرفة (GKG)
- التل على مُعرّف عقدة في خريطة الشارع المفتوحة (OSM)
- التل على مُعرِّف فيسبوك
 Al-Tall على فيسبوك | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
