Wp/apc/البوكمال
| مدينة في أقصى شرق سوريا بالقرب من الحدود العراقية وتتبع محافظة دير الزور | |
| الاسم بالإنجليزي Abu Kamal | |
 | |
| الموقع | |
| التقسيم الإداري | ناحية مركز البوكمال |
| الإدارية | |
| الدولة | سوريا |
| الحكومة والسياسات | |
| منطقة زمنية | ت ع م+02:00 |
| لغة رسمية | العربية |
| منطقة زمنية | ت ع م+02:00، ت ع م+03:00 |
البوكمال (و بتتسمّى كمان أبو كمال) هي مدينة بشرق سورية، ع نهر الفرات بمحافظة دير الزور، و قريبة ع الحدود العراقية. بتعتبر المركز الإداري لمنطقة أبو كمال و ناحيتها (ناحية أبو كمال). ع الجهة الجنوبية الشرقية منها في معبر القائم الحدودي، اللي بيفصلها عن بلدة حصيبة بمنطقة القائم بمحافظة الأنبار بالعراق. حسب احصاء 2004، كان فيها 42،510 نسمة.
التسمية
[edit | edit source]اسم البوكمال او ابو كمال نسبة لعشاير البوكمال أبناء كمال بن علي السالم الصهيبي الزبيدي من قبيلة العقيدات الزبيدية. بأيام الدولة العثمانية، كانت أبو كمال مسماية "كيشلا" (kışla)، و بتنلفظ محليّاً "قشلة"، و هي كلمة تركية معناها "الثكنات العسكرية". و لحد اليوم، في ناس بالمنطقة، خاصةً الكبار بالسن، بيسمّوها "قشلة".
التاريخ
[edit | edit source]قبل الحرب الاهلية
[edit | edit source]بالقرن السابع عشر، صارت أبو كمال مركز لسنجق بالدولة العثمانية ضمن إيالة الرقة. بعدها صارت مركز قضاء ضمن سنجق الزور حتى انتهاء الحكم العثماني ب 1918. بسنة 1896 نقلوا القرية القديمة من مطرحها لمكان أبعد بشوي ليتجنّبوا فيضانات النهر، و بنوا مكانها قرية جديدة من الحجار بشوارع واسعة. اغلب سكانها بهداك الوقت كانوا من عرب عشيرة العقيدات، و أكثريتهن سنة، مع كم عيلة مسيحية من دير الزور و الموصل. مع بداية القرن العشرين، كان فيها تقريباً 80 بيت ومركز للقائم مقام (حاكم القضاء) و مخفر شرطة و عبّارة نهرية، و عدد سكانها حوالي 500 شخص، و كان مجموع سكان القضاء سنة 1890 بحدود ال 15 ألف. ب 1921 صارت أبو كمال تابعة للانتداب الفرنسي ع سوريا و لبنان، و حوّلوها لمقر حامية عسكرية فرنسية كبيرة. بعد الاستقلال بسنة 1946 بقيت مدينة مهمّة تجارياً و سياسياً بسبب موقعها على حدود العراق. بسبب قربها من القائم (معبر حدودي مهم) صارت منطقة حساسة للحركات المسلّحة، و خصوصي بفترة التمرّد بالعراق. ب 27 تشرين الأول 2008، ايام حرب العراق، شنّت أربع مروحيات أميركية غارة ع قرية السكّرية بمنطقة أبو كمال، و هي أول غارة معروفة جوا سوريا من قِبل أميركا، و راح فيها أكتر من 7 قتلى، منن 4 ولاد. وزير الخارجية السوري وليد المعلم وصف هالعملية بالإرهاب لقتل مدنيين بالقانون الدولي. في ناس بيقولوا انو المخابرات السورية كانت موافقة للهجمة وهددت اهل المنطقة اذا حكيو عنّا.
الحرب الاهلية السورية
[edit | edit source]بآخر تموز 2012، سيطر الجيش الحر على المدينة و على معبر حدودي مع العراق. بعدين، بأيلول 2012، صارت تقارير عن هجمات ع مطار الحمدان العسكري من قبل الجيش الحر. ب 16 تشرين الثاني 2012، أخدوا مطار الحمدان كليّاً، و كان قبل عبارة عن مطار مدني لتصدير المحاصيل الزراعية، و صار قاعدة عسكرية للدبابات و المروحيات بعد الحرب. وقتها صار النظام ما بيسيطر إلا ع مطار دير الزور العسكري ضمن المحافظة.
وجود داعش
[edit | edit source]بين أواخر حزيران و بداية تموز 2014، داعش أخدت أبو كمال ضمن حملتها بمحافظة دير الزور. و ب 3 تموز 2014، قالت مصادر إنو مدينة الميادين (تاني أكبر مدينة بالمحافظة) وقعت كمان تحت سيطرتها، فصارت كل المناطق بالطريق من أبو كمال للباب (مروراً بالرقة) بإيد الارهابيين. بسبب بُعد المدينة عن خط المواجهة، ما شهدت معارك كبيرة بين 2014 و 2017، غير محاولة فاشلة للمعارضة المدعومة من أمريكا (الجيش السوري الجديد) بحزيران 2016 للسيطرة عليها، بس ما نجحت.
بتشرين الأول 2017، رجّع الجيش السوري مدينة الميادين، و بقيت أبو كمال أكبر معقل لداعش. ب 25 تشرين الأول انقطع طريق القائم – أبو كمال – الميادين – دير الزور بعد غارات روسية، و بين 1 و 4 تشرين التاني قصف الطيران الروسي مواقع داعش بالمدينة. ب 7 تشرين الثاني بلّش الجيش السوري، مدعوم من حلفاه، هجوم لاستعادة أبو كمال، و بتسعة الشهر انسحبت داعش و تركوا مجموعات صغيرة بالقرى. أعلن الجيش إنو تحررت المدينة، و إنو هالشي بيعني سقوط مشروع التنظيم بهالمنطقة. مع هيك، ب 11 تشرين التاني رجعت داعش احتلتها، بس ب19 من نفس الشهر رجع الجيش و حلفاؤه سيطروا عليها بشكل كامل.
وجود ايران
[edit | edit source]بعد طرد داعش، انتشرت الميليشيات المدعومة من إيران حوالين أبو كمال من نهاية 2017، و صار الحشد الشعبي العراقي (المرتبط بالحرس الثوري الإيراني) ماسك معبر القائم بالحدود العراقية، بينما حزب الله و ميليشيات الحيدريون والفاطميون والزينبيون سيطروا عالمناطق غرب أبو كمال. بنفس الوقت، كان شمال الفرات بإيد قسد. ب4 أيلول 2019، قالت فوكس نيوز إنو في قاعدة عسكرية إيرانية جديدة (مشروع الإمام علي) عم تتبنى حوالي أبو كمال، و أكدت بهالشي صور الأقمار الصناعية. ب30 أيلول 2019، بعد 8 سنين من الإغلاق، انفتح معبر القائم بين أبو كمال و القائم بالعراق. ب27 تشرين الأول 2023، نفذت أمريكا غارات جوية ع قواعد حوالين المدينة و قالت إنهن موالية للحرس الثوري الإيراني، رداً ع هجمات مدعومة من إيران ع القواعد الأمريكية بالمنطقة.
سقوط النظام
[edit | edit source]بعد عملية ردع العدوان، قسد سيطرت ع المنطقة لفترة قصيرة، بس الحكومة الانتقالية اخدتها ب 10 كانون الاول 2024.
مصادر
[edit | edit source]روابط برانيه
[edit | edit source]
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
ضبط استنادي – Abu Kamal | |
|---|---|
| دوليه | |
