Wp/apc/الباب (حلب)
| مدينة الباب -محافظة حلب | |
| الاسم بالإنجليزي al-Bab | |
.jpg) | |
 | |
| الموقع | |
| عاصمة لـ | منطقة الباب |
| التقسيم الإداري | ناحية مركز الباب |
| الإدارية | |
| الدولة | سوريا |
| الحكومة والسياسات | |
| منطقة زمنية | توقيت شرق أوروبا |
| منطقة زمنية | توقيت شرق أوروبا، ت ع م+02:00، ت ع م+03:00 |
الباب مدينة بتتبع إدارياً لمحافظة حلب بالشمال السوري، بتبعد حوالي 40 كم شمال شرق حلب، و 30 كم جنوب الحدود التركية، و مساحتها حوالي 30 كم². ارتفاعها حوالي 471 متر. كان عدد سكانها 63,069 بإحصاء 2004، و من وقت الحرب ارتفع العدد لنحو 100 ألف. أهل الباب أغلبهن سنّة عرب، و في أقلية كردية بريفها. المدينة هي المركز الإداري لمنطقة و ناحية الباب. كانت تحت سيطرة الجيش الوطني السوري التابع للحكومة المؤقتة، و بتواجد فيها قوات تركية.
الاسم
[edit | edit source]بيحكي ياقوت الحموي (1226) إنو اسمها اختصار لـ"باب بزاعة"، و بزاعة بتقع 10 كم شرق الباب.
التاريخ
[edit | edit source]بالعهد الروماني، كانت الباب مدينة اسمها "باتناي" (Batnai) بسوريا الرومانية، و خربتها شمال البلدة بحوالي 1 كم. في مدينة تانية بالرومان اسمها "باتناي" بس هديك بعيدة بحوالي 70 كم ، يعني مو نفسها. دخلها جيش الخلفاء الراشدين بقيادة عمر بن الخطاب بالقرن السابع، و صارت "الباب" لأنها بوابة حلب تجاه بزاعة. كان فيها ضريح عقيل بن أبي طالب (أخ علي) بس مفقود هلق. بالقرن 13، أيام الأيوبيين، أغلب سكانها كانوا إسماعيليين شيعة، و بعدين صاروا سنّة. ياقوت الحموي حكا انو هي مدينة صغيرة بحلب، فيها أسواق لصناعة "كيرباس" (القماش) بيتصدر لدمشق و مصر. أبو الفداء ذكرها بالقرن 14 بإنها بلدة بجامع و سوق و حمّام و حدايق حلوة. بالعهد العثماني لحد نهاية الحرب العالمية الأولى، كانت جزء من "ولاية حلب".
الحرب الاهلية
[edit | edit source]بالحرب الأهلية السورية، لحد نيسان 2012 ما وصلت المعارك للباب، بس بين ايار و حزيران تشكلوا مجموعات للمعارضة جواتها، و اخدوها للمدينة بتاريخ 18 تموز بعد معارك ضد الجيش. آخر موقع للجيش كان ع طرف البلدة و سقط 29 تموز، و صارت المنطقة شمال شرق حلب كلها للمعارضة. بعدين صارت تحت سيطرة داعش بالصيف 2013. بسنة 2016 بعد ما "قوات سوريا الديموقراطية" أخدت منبج، بلشت تهدد الباب، بس تركيا و المعارضة دخلوا عليها بعملية درع الفرات بـ كانون الاول 2016 و التاني من2017. بحلول 23 شباط 2017، الباب صار بإيد القوات المدعومة من تركيا. 15 تموز 2020، غارات جوية (بينقال انو روسية) قصفتها لأول مرة من وقت تقليع داعش، و قتلت شخص و جرحت أكتر من 10.
الأمن
[edit | edit source]بشباط 2017 انتشرت الشرطة يلي دربتها تركيا و عددها 2000 عنصر لحماية المدينة.
التعليم
[edit | edit source]بسنة 2019 أعلنت جامعة غازي عنتاب فتح كلية اقتصاد و إدارة بالباب.
المناخ
[edit | edit source]الباب مناخها شبه جاف بشتوية باردة و صيف شوب جاف (BSk حسب كوبن)، مع ملامح قارية بالشتا.
مصادر
[edit | edit source]روابط برانيه
[edit | edit source] al-Bab على فيسبوك | |
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
