Wp/apc/أعزاز
| مدينة سورية | |
| الاسم بالإنجليزي Azaz | |
 | |
| الموقع | |
| عاصمة لـ | منطقة أعزاز |
| التقسيم الإداري | ناحية مركز اعزاز |
| الإدارية | |
| الدولة | سوريا |
| الحكومة والسياسات | |
| منطقة زمنية | ت ع م+02:00 |
| العملة | ليرة سورية |
| لغة رسمية | العربية |
| منطقة زمنية | ت ع م+02:00 |
أعزاز هي مدينة بالشمال الغربي لسوريا، تبعد حوالي 32 كم شمال-شمال غرب حلب. كان عدد سكانها حوالي 31,623 نسمة بإحصاء 2004. ب 2015، تقريباً كل اهلها كانوا سنّة، أغلبهن عرب، و في منن تركمان. المدينة مهمة تاريخيّاً كموقع معركة أعزاز بين الصليبيين و السلاجقة بتاريخ 11 حزيران 1125. هي قريبة من معبر حدودي مع تركيا يوصل لمنطقة أونجو بينار جنوب مدينة كلس التركية. أعزاز كانت عاصمة "الحكومة السورية المؤقتة".
الاسم
[edit | edit source]المدينة كانت معروفة من الايام قديمة بأسماء مختلفة: بالأصل باللغة الحورية "أزازوا"، و باليونانية وسطى "Αζάζιον" (ازازيون)، و بالآرامية القديمة "حزز"، و بالآشورية الجديدة "حزازو".
التاريخ
[edit | edit source]الحكم الإسلامي
[edit | edit source]بموقع تل أعزاز لقوا كميات كبيرة من الخزف (الفخار) من العصر الإسلامي المبكر و الوسيط، و هاد بيدل على أهميّة المنطقة، رغم إنّو ما انذكر اسم أعزاز كتير بالمصادر الإسلامية قبل القرن الـ12. زيارة إسحاق الموصلي (767–850) للمدينة بتوحي إنها كانت مهمة بزمن العباسيين. الحمدانيون بحلب (945–1002) بنوا قلعة من الطوب بأعزاز. القلعة كانت مربّعة و عليها سورين، مبنية ع التلّ. بتاريخ 10 آب 1030، صارت بمعركة "طُبّل" القريبة من أعزاز هزيمة مذلة للإمبراطور البيزنطي رومانوس التالت مع المرداسيين. بكانون الأول من نفس السنة، قائدين بيزنطيين اسمهن نيكيتاس من مستيا و سيميون حاصروا أعزاز و احتلوها، و حرّقوا "طُبّل" انتقاماً.
الفترة الصليبية
[edit | edit source]بأيام الحملات الصليبية، صار لأعزاز (اللي كان اسمها عند الصليبيين “هازارت”) أهمية استراتيجية كبيرة بسبب موقعها المرتفع المشرف ع المناطق اللي حواليها. لو كانت بإيد المسلمين، بتقطع التواصل بين الرها و أنطاكية، و لو كانت بإيد الصليبيين بتصير مهددّة لمدينة حلب. حوالي كانون الاول 1118، الأمير روجر الأنطاكي و الأمير الأرمني ليو الأوّل حاصروا و أخدوا أعزاز من إيلغازي بن أرتق. بسنة 1124، بلَك و تُغتكين حاولوا يقتحموا الدفاعات بس ما قدروا بسبب إمدادات صليبية. بـ1125 هجم أَقصُنقُر البُرسقي (أتابك الموصل) و تُغتكين ع إمارة أنطاكية و حاصروا أعزاز، بس جيش صليبي متحالف بقيادة الملك بالدوين الثاني انتصر عليهم بـ"معركة أعزاز" الشهيرة و رفع الحصار. من بعد ما الزنكيين أخدوا الرها بـ1144، ضعف نفوذ الصليبيين بالمنطقة، و صارت القلاع مهملة، منها أعزاز. بـ1146، همفري التاني بعت 60 فارس لدعم الحامية بأعزاز. رغم تحصينها، سقطت بيد نور الدين زنكي سنة 1150.
القرون 13 لل20
[edit | edit source]الأمير الأيوبي عزّ الدين عثمان (ابن صلاح الدين) رد عمر المدينة الحمدانية بالحجار. بالعهد الأيوبي سنة 1226، الجغرافي ياقوت الحموي وصفها بـ"مدينة جميلة"، و سمّاها "دير تل أعزاز". كانت مركز ناحية فيها كفرلاته و منغ و يابرين و أرفاد (تل رفعت اليوم) و طُبّل و اناب و غيرها. المماليك حكموا المنطقة بعدين بالقرن الـ13، و بـ1516 دخلها العثمانيين بعد انتصارهن بمعركة مرج دابق. بالعهد العثماني صار أعزاز فيها سكن تركماني، و كانت سنجق إداري مع كلس. بعد سقوط الدولة العثمانية، الحدود السورية التركية صارت شمال أعزاز. بالانتداب الفرنسي و بعد الاستقلال 1946، ضلت أعزاز ضمن سوريا.
الحرب الأهلية السورية
[edit | edit source]بتاريخ 19 تموز 2012، اخدوها مقاتلين المعارضة. المدينة مهمة لأنها نقطة إمداد لوجيستي قريب من الحدود. منظمة داعش سيطرت ع أعزاز بتشرين الاول من 2013، بس انسحبوا منها بشباط 2014 بعد ما انقطعت طرقهم. "لواء عاصفة الشمال" المرتبط بالإسلاميين الأوسع (و بالجيش الحر اسمياً) اخدت المنطقة، و حكمتها "لجنة شرعية" و شرطة عسكرية تبع اللواء. كان في "مجلس مدني" مسؤول عن الخدمات العامة. سنة 2015، داعش وصلت لطراف أعزاز بس ما قدرت تهاجمها مباشرة، أخدت المناطق حواليها. انسحبوا من ريف حلب بتشرين الاول 2016، بس صار انفجار سيارة ملغومة بأعزاز بكانون التاني من 2017 نسبوه لداعش. ببداية 2015 كانت النصرة موجودة بجوامع المدينة، و بآخر 2015 كانوا مقصمين اعزاز مع فصائل الجيش الحر. تركيا تدخلت و نظّمت ميليشيات تركمانية بأعزاز لمنع وحدات حماية الشعب (الكردية) من ربط عفرين بعين العرب (كوباني). تركيا قالت إنو أعزاز "خط أحمر" ما لازم الكرد يتجاوزوه. مع عملية “درع الفرات” 2016، صارت أعزاز تحت الاحتلال تركي. بآخر 2017، كانت مقر “الحكومة السورية المؤقتة”.
المناخ
[edit | edit source]مناخ أعزاز متوسطي بصيف شوب (Csa حسب تصنيف كوبن). الشتا فيها معتدل و ماطر و الصيف جاف و شوب.
مصادر
[edit | edit source]روابط برانيه
[edit | edit source]- أعزاز على مُعرِّف قاعدة البيانات الحرة (Freebase)
- أعزاز على تصنيف ديوي العشري (DDC)
- أعزاز على مُعرِّف الروَّاد (WOFID)
- أعزاز على معرف مدينة في خريطة الطقس المفتوحة
- أعزاز على مُعرِّف سنارك (SNARC)
- أعزاز على مُعرِّف الأسماء الأرضية (GeoNames)
- أعزاز على معرف ميزة GNS
- أعزاز على مُعرِّف الموسوعة الكتالونية الكبرى (GEC)
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
