Wp/apc/أريحا (إدلب)
| قرية في سوريا | |
| الاسم بالإنجليزي Ariha | |
| الموقع | |
| عاصمة لـ | منطقة أريحا |
| التقسيم الإداري | ناحية مركز أريحا |
| الإدارية | |
| الدولة | سوريا |
| الحكومة والسياسات | |
| منطقة زمنية | توقيت شرق أوروبا |
| منطقة زمنية | توقيت شرق أوروبا |
أريحا، و بينقال عنها ريحا، هي بلدة بشمال غرب سوريا، إدارياً بتتبع لمحافظة إدلب، و موقعها جنوب مدينة إدلب. حواليها كزا بلدة و قرية متل أورم الجوز و سرجة و كفرلاته و معربليت و غيرهن. عدد سكانها كان حوالي 39,501 سنة 2004، و بنفس السنة كان مجموع سكان ناحية أريحا حوالي 83,487 شخص. اريحا مركز منطقة و ناحية اريحا.
التاريخ
[edit | edit source]بأيام الإمبراطورية الرومانية و الإمبراطورية البيزنطية، كانت أريحا تابعة إدارياً لأنطاكية. ازدهرت بين سنة 240 و350 ميلادي، لما صارت مركز مهم للمسيحية. استولى عليها جيش الراشدين بقيادة عمرو بن العاص سنة 636، و صارت ضمن جند قنسرين. بالعهد الأيوبي، كانت تابعة لحلب، و بعدين رجعت تابعة لقنسرين. الجغرافي ياقوت الحموي، سنة 1226، ذكر إنو أريحا بلدة صغيرة تابعة لمنطقة حلب، و اعتبرها من أجمل و أحسن الأماكن، و وصف إنو فيها بساتين و حدايق و أنهار كتيرة أريحا تضررت كتير نتيجة زلزال سنة 1822. بنص القرن التاسع عشر، المستشرق ألبرت سوسين مرّ بأريحا و قدّر سكانها بحوالي 3 آلاف نسمة، و حكى إنها بتتميز بموقع حلو بين بساتين الزيتون ع سفح جبل الزاوية.
الحرب الأهلية السورية
[edit | edit source]خلال الحرب السورية، صارت بأريحا معارك بين النظام و المعارضة. بالربيع و الصيف من 2012، الجيش الحر قدر يصد سلسلة هجمات للنظام بين آذار و حزيران، رغم إنو النظام استخدم دبابات و مدفعيات و طيران مروحي. النظام رجع اخد المدينة بـ11 آب 2012. بأواخر تموز 2013، المعارضة سيطرت ع أجزاء من أريحا، بينما احتفظ النظام بتلات حواجز جوّا المدينة. يوم 25 أيار 2014، جبهة النصرة و لواء صقور الشام شنّوا هجوم مزدوج على التلال الجنوبية لأريحا، و استهدفوا حاجزين عسكريين: نقطة مطعم الفنار، و موقع الشامي العسكري. استخدموا 4 عربات مفخخة ضخمة (SVBIED)؛ أول عربة قادها الأميركي منير محمد أبو صالحة (22 سنة) و فجّرها بحاجز الفنار، فدمّره عالاخر. بعدها صار قصف بالمدافع و تبادل نار كتير. آخر النهار، سيطرت المعارضة ع حواجز الفنار و الشامي، و بتعتبر هالعملية من أكبر الهجمات بـ2014. بس بـ13 تشرين الأول 2014، المعارضة دمّرت مدرّعة للنظام عند حاجز الفنار. بـ24 آب 2014، المعارضة أخدت أريحا، و الطريق M4 يلي بيمر فيها قبل ما يلتقي بـM5 بسراقب، و سيطرة المعارضة ع هالمقطع سمحت بقطع طريق إمداد النظام بين اللاذقية و إدلب و حلب. بـ26 آب، هجموا ع حاجز القياسات القريب، و دمّروا دبابة للنظام و كان هدفهن تعطيل خط المد بين إدلب للاذقية. بعد 10 أيام قصف متواصل، قوات النظام رجعت سيطرت ع المدينة بـ3 أيلول بتاريخ 25 أيار 2015، جيش الفتح سيطر عليها بالكامل. بـ12 كانون الثاني 2017، قصف الطيران الروسي حوالي أريحا، و قتل قيادي بالحزب الإسلامي التركستاني أبو رضا التركستاني مع عيلتو. قالت وكالة أنباء “دوغو توركستان بولتيني” إنو الروس قصفوا عيل المقاتلين الإيغور بإدلب، فردّ الحزب التركستاني بصواريخ استهدفت ميليشيات إيرانية. بـ21 شباط 2018، سيطرت جبهة تحرير سوريا ع أريحا من هيئة تحرير الشام. بس بكانون التاني من 2019، رجعت هيئة تحرير الشام أخدتها.
مناخ
[edit | edit source]مناخ اريحا متوسطي بصيف شوب (Csa حسب تصنيف كوبن).
مصادر
[edit | edit source]روابط برانيه
[edit | edit source]
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
