Wp/ann/Okwaan̄ Zambezi

From Wikimedia Incubator
< Wp‎ | ann
Wp > ann > Okwaan̄ Zambezi

Okwaan̄ Zambezi (òrere si ZambezeZambesi) ìre okwaan̄ me Afirika agan̄ Òsiki. Ọmọ ore òso okwaan̄ ini òjọjọn̄ọ ichit me Afirika, mè ire si okwaan̄ òjọjọn̄ọ ichit me etete ebi kè okwaan̄ ìkilibi ifo agan̄ mbum-ura me Afirika, mè ire si eyi òmimin ichit me etete ebi kè okwaan̄ ìkinan̄a me Afirika ilibi inin̄ Emen-awaji India. Okike [basin] okwaan̄ ya obenbe ìre 1,390,000 km² [1][2], eya ìsa sọntiik inu isip igak ìkike iba me lek eyi Okwaan̄ Nali. Okwaan̄ yi òrere 2,574 km² me ujọn̄ọ, ìnan̄a me Zambia mè ilibi iraka me agan̄ mbum-ura me ido Angola, mè okike ijọn̄ agan̄ inyọn̄-mbumura me Namibia, mè agan̄ inyọn̄ me Botsuwana, mè inilibi iraka me okike ijọn̄ Zambia mè Zimbabuwe isi Mozambik, ere îlibibe itibi emen ido ya isi igwook me emen Emen-awaji India.[3][4]

Okwaan̄ Zambezi me usọk eyi Namibia, Zambia, Zimbabuwe mè Botsuwana
Ogugo-ijọn̄ Okwaan̄ Zambezi

Infobox Zambezi

Inu òchuchubọk isibi isi me lek okwaan̄ Zambezi ìre Victoria Falls. Ebi kè ofifi falls me okwaan̄ ya ìre Chavuma Falls me okike ijọn̄ Zambia mè Angola, mèlek si Ngonye Falls, òkup igbet Sioma me agan̄ ichep-ura me Zambia.[5]

Achubọk ebon ukan̄ iba, ere ekisabe mun̄ inyi ukan, okup me lek okwaan̄ ya. Ema ìre Kariba Dam, eyi òkinyi ukan̄ me Zambia mè Zimbabuwe, mèlek si Cohora Bassa Dam me Mòzambik, eyi òkinyi ukan̄ me Mòzambik mè Afirika Òsiki. Asabọn ebon ukan̄ iba ema cha si me lek okwaan̄ ya. Ge ìkup me lek Victoria Falls sà eyilọ okup igbet Ogoon̄ Kalene me agan̄-mkpulu Ikelenge.[6]



Nrọnnye[edit source]

  1. "Richard Beilfuss & David dos Santos: Patterns of Hydrological Change in the Zambezi Delta, Monogram for the Sustainable Management of Cahora Bassa Dam and The Lower Zambezi Valley (2001). Estimated mean flow rate 3424 m³/s" (PDF).
  2. International Network of Basin Organisations/Office International de L'eau: Archived 27 March 2009 at the Wayback Machine "Développer les Compétences pour mieux Gérer l'Eau: Fleuves Transfrontaliers Africains: Bilan Global." (2002). Estimated annual discharge 106 km3, equal to mean flow rate 3360 m3/s
  3. "Zambezi River | river, Africa". Encyclopedia Britannica.
  4. "Zambezi River Facts and Information". www.victoriafalls-guide.net
  5. "Zambezi River". Zambia Tourism. Retrieved 20 May 2021. Pasanisi, Francesco; Tebano, Carlo; Zarlenga, Francesco (March 2016).
  6. "A Survey near Tambara along the Lower Zambezi River". Environments. 3 (1): 6. doi:10.3390/environments3010006.