Legọs ìre ama-mkpulu me Naijiria agan̄ osiki ichep-ura. Me etete ama-mkpulu 36 cha, ọmọ ke ene ewa ichit me emen me Naijiria; ọmọ si osip ichit me okike ijọn̄. <Bight of Benin> okup me agan̄ osiki kan̄, ido Bènè me agan̄ ichep-ura, Ogun me agan̄ mbum-ura mè agan̄ inyọn̄. Ọmọ gaalek ore ama-mkpulu òcheche okike ijọn̄ mèlek ama-mkpulu ge gaalek me Naijiria. Egwen ọmọ ibak ama-ile Legọs, òrere ama-ile ene ewabe ichit me emen me Afirika. Efele oka Agan̄-mkpulu agan̄ Ichep-ura [former Western Region] isa ichili ama-mkpulu yi me 27 Mêe 1967.<ref 8,9>

Mun̄ îwa me lek ijọn̄ ama-mkpulu Legọs. Irek ge-me-ini me lek ijọn̄ kan̄ ìre mun̄ kire okolo, asabọn okwaan̄ mè ilile okwaan̄ me agan̄ etete kan̄, Okwaan̄ Ogun mè Okwaan̄ Oṣun ekeklibi inin̄ emen kiban̄. Owuwa ebi kè ofifi okwaan̄ mè asabọn okwaan̄ mîliliin̄ ikana emen ama-mkpulu yi, ekekisa ema si irọ isi-ije [transportation] ikpulu ebi ene mè inu.

Inu òbelek 55% me lek ebi ìluk me ama-mkpulu yi ekigọọk erumfaka Kiristien, 40% ekigọọk erumfaka Isilam, sà 5% ekigọọk esese esese òjelek erumfaka mè echi orọmijọn̄

Nrọnnye[edit source]