Wp/ami/adawan

From Wikimedia Incubator
< Wp‎ | amiWp > ami > adawan

Itini i niyaro’ no Pangcah, caykanca^ ira ko takara:way a loma’ a nipatirengan, iraan haw i, o pikacawan han no Pangcah.

tatodong

Ira ko toloay a kakalimelaan tonini a adawan.

  • O sapikacaw to ’ada^. Iti:ya ho, o cecay a niyaro’ mato cecayay a kitakit ko kakawaw. Ira ko tomok, o kakeridan no niyaro’. Ira ko selal, o todong no sofitay no niyaro’. Ira ko sikawasay, o todong o ising ato mi’ekakay to caayay pitengil a tamdaw ato micicihay to rikec no niyaro’ ato pa’iloay a tamdaw. Matira saka ma’adipel ko niyaro’ no Pangcah, ira ko ’adawang caay pacefa^ ko mikacaway a papicomod i niyaro’ no Pangcah. Ano cidemak ko niyaro’ i, malala’is ko kasaniyaro’ iti:ya ho. Militafad han no mita ko nikalala’is itiya. I ka’amis no Pangcah haw i, ira ko Taloko, i kaetip haw i, ira ko Iwatan; i katimol haw i, ira ko Piwma^, o masasi’adaay konini a kasakitakit. Hanihani ira ko milidadayaay a kokong, orasaka patireng ko niyaro’ to pikacawan haw i, o sapikacaw to ’ada^, ta caay ka rawraw ko nika’orip no niyaro’ay no Pangcah.
  • O piang^angan. Iti:ya ho, awaay ho ko dingki, awaay ho ko sapahoso a paini to finawlan. Ano ira ko kapolongan a demak no finawlan i, tinako ano ira ko misaloma’ay, roma ano ira ko sa’opo no kalas no niyaro’, macakat ko tomok i pikacawan a miang^ang a paratoh to finawlan. Matira ko demak no niyaro’ iti:yay ho.
  • O kasa’opoan no finawlan, o soraratan han no kapolongan. Ano katangasaan to ko romi’ad to piilisinan no niyaro’ haw i, itini i soraratan ko polong no i niyaro’ay a masa’opo. Itira caay kanca^ ira ko pikacawan a mapatireng, o todong to hata^ no niyaro’ no Pangcah konini.

Orasaka, ano ira ko sa’opo no Pangcah i cowaco:wa haw i, caykanca^ ira ko pipatireng to pikacawan, o todong pipahapinangan to ’icel ato nikarikec no cecayay a niyaro’.