Wp/ami/O sowal no misatimolay a finacadan i Taywan

From Wikimedia Incubator
< Wp‎ | amiWp > ami > O sowal no misatimolay a finacadan i Taywan

Sowal no Timutimul

O Sowal no Misatimolay a finacadan i Taywan

O Sowal no Misatimolay a finacadan i Taywan(台灣南島語言) i, o sowal no yen-cu-min han no mita o Pangcah. Tosa polo ira ko tolo ko nika sasiromaroma no sowal, ano songila’en haca a misapinang ko kakakonis no polong nonini a sowal i, edeng malatolo ko tapangan no rayray —ono Tayal, ono Pariwan, ato no Cuwik. Safaw pito a ’ofadan no tamdaw ko cisowalay tonini a sowal. O roma sato, o sowal no Fotod a tamdaw haw i, o masapapotalay no Sowal no Misatimolay a finacadan i Taywan, o teloc no Patanik hananay a finacadan i Filiping cangra. O sowal no Misatimolay i Taywan i, o tadakakalimelaan no mikingkiway to sowal, enawhani, o ma'araway a kalo’a’adopen ato kalopinalomaloma no ’aya’ayaw a ’orip, ira a ma'araw i finacadan no Taywan. Itini a mahapinang a mafana’ kita to o tatapangan nonini a Misatimolay kita o i Taywanay. Pakayni tonini a sowal ato ma’araway a kalomaamaan, paso’lin ko ’alomanay a hakasi^ no mikingkiway to sowal, o tatapangan no Misatimolay a finacadan ko Taywan saan.

O micidekay a kasasiroma no Sowal no Misatimolay a finacadan itiniay i Taywan haw i, materek ko i ’aya’ayaway a katelangay a sowal ato rayray no 'orip no itiya:ay ho a tamdaw. O ngiha’ no sowal, sepat ko tatapangan a ngiha’,o padamaay a ngiha’ haw i, ira ko masapinangay ato makalengay, nikaorira caay kasadak ko fali, caay ka matiya o ngarngar no holam ko sowal no Misatimoaly, o makakafitay ko tilid, ira ko lamit ira ko ciping,makakafit kora haw i, masapokopokoh ko tilid. Pakayniay i cefang no sowal i, o damac(語助詞) ko pakakafitay ta masapinang masongila’ay a tengilen ko sowal. [1]

  1. 朱清義. (2011). Wikipedia 維基百科 族語詞條試寫─原住民族語詞條 2011 作品集. 教育部.