Wp/ami/Atomo

From Wikimedia Incubator
< Wp‎ | amiWp > ami > Atomo
Jump to navigation Jump to search

Atomo (陶壺)

Maratar misafonon ko Pangcah itriya ho, o misanga’an a atomo saheto o sakiladay a ma’orip, o sakilisin ato sakalingad a lalosidan. Mato o atomo o sapirarom a lalosidan, ira to laday ma’araw koni kacipinangan no Pangca a atomo; O kolan i o sapitangtang to hemay, o para’ nira mikipanahal to para’ no atomo, kakahad ko sifo, kakahad ko trangoyosan awa ko filfil; tatoronan i o sapisahakhak todongay to o mahod a lalosidan, no tosaay a kolan ko sapisanga’, sala’ed no sifo’ ira ko tepong, sakangaay mirokrok ko nanom i laeno macakat ko lahod, masahakhak ko toron a felac, no to’as pisatoron, oni tatoronan ko sapitangtang. Ira ho ko roma, o diwas hananay malo sapisalisin a lalosidan, o faco nira tolo ko katatingroh, pasilaeno han minengneng masasikak, ira ko masasangkakay.

Masamaan ko pisanga’ tonini a atomo saw? o sowal no fafahiyan no Pangcah, sepat ko rakat no tayal, miala ti sota’, misadita’, misafaco to sasangaen, mitodoh. Miala to sota’, mikilim to koetengay, mamangay ko sota’, mikilim to koetengay, mamangay ko masa’ataday a sota, pili’en ho ko ’asad a mifalah, ta alaen ko sakotoy mipekpek, fasfasen to nanm hay koeteng, matatodong ko kacipenat no sota’. Misafaco misanga’, i ’ayaw alaen koya koetengay a sota’ moricen misa kimolmol mato o mali, kilimen ko malecaday o fita’ol a fokeloh malo parena’an to para’ no atomo, oya misanga’an misakodepi’ a kilang ko sapipekpek satikotiko han a mipekpek mipatatodong to kifetol, tahira kasafaco to atomo, ta misongila to tangoyosan, satata’aken samimingen, maedeng to patanginga’ han to malopitatoyan. Mitodoh sato, masaatomo to ko misanga’an pahayhayen ho a mi’icang to pangkiw no folad, ta mangaay misatapang a mitodoh, mikilim to fangcalay macidalay ko romi’ad, miala to ’eli, rongorengos, o ’asisiw no panay ma’icangay a ’arad pacamol han mitamek a mitodoh, saromi’ad halodadaya 24ko tatokian, loetim ko kahengan ko atomo no Pangcah.


Atomo(阿陶模部落)

Itiniay i Guangfu Cen no Hualien ko Atomo a niyaro’, 81 ko sa’osi no parod no loma’, 209 ko sa’osi no tamdaw.

76% ko ka’aloman no Yincomin, polong han i, 159 ko tamdaw; o roma sato i, 24% ko ka’aloman no roma a finacadan, polong han i, 50 ko tamdaw.

O pa-sin-to(百分比) no ka’aloman no tamdaw no kasafinacadan i, ko Amis74%, roma1%.

Ira ko paisingan(阿陶模衛生室) i niyaro’.

Pi’arawan to lakaw[edit]

  • 台灣原住民族歷史語言文化大辭典
  • 許功明、黃貴潮,1998,《阿美族的物質文化:變遷與持續之研究》,臺中:自然科學博物館。
  • 李景崇,1998,《阿美族歷史》,臺北:師大書苑。
  • 黄宣衞,2008,《阿美族》,臺北:三民。
  • 達西烏拉彎‧畢馬,2001,《臺灣的原住民 : 阿美族》,臺北:臺原。


o kasadakan no lihaf[edit]