Wp/ain/Satumon jidai

Satumon jidai anakne, Hokkaido okari un oruspe or ta, 7 seki wano 13 seki pakno Satumon bunka pirka wa okere pa uturu ne. Honsyu or un Hajiki toysu neno a=kar Satumon toysu kor puri a=nukar. (Aonae bunka ka inkar yan.) Iyosi ta, toysu a=eywanke hi isam wa, suke kusu ka kani a=eywanke Aynu puri ne an ruwe ne.

Orowa, 9 seki pakno Hokkaido or ta anakne, Satumon bunka tura uwe-neno, sinnay Ohotuku bunka Hokkaido kita wano cupka un Ohotuku atuy sam ta sipirasa wa an. Orowano 13 seki pakno anakne, nea sani ne Tobinitay bunka Hokkaido cupka noski no Satumon bunka an mosir sam ta an. Tobinitay bunka anakne, Ohotuku bunka or ta Satumon bunka a=ahunke p ne korka, okake ta anakne Satumon bunka tura u-e-sinnay hi pon wa okere kusu, Tobinitay bunka ka Satumon bunka or ta a=omare sekor a=ramu ruwe ne.

Jidai newa sipirasa hi

Satumon toysu a=eywanke etokoho anakne, 6 seki kes wano 7 seki etokoho (Asuka jidai) pakno an wa, tap oro wano Satumon jidai hetuku ruwe ne. Hoski an Zoku-Jomon jidai ta anakne, toysu kaske ta Jomon a=nuye korka, Satumon jidai ta anakne a=siru noka a=nuye ruwe ne. Tanpe anakne, toysu kaske pirkare kusu ni pera ani siru wa a=nuye p ne sekor a=ramu wa, nea a=siru noka anakne "Satumon" rehe motoho ne.

Tan toysu kaske pirkare puri anakne, sine jidai an Honsyu or un Hajiki toysu or ta ka a=eywanke wa, tanpe or ta ka Hajiki toysu or wano yupkeno neno a=kar siri a=nukar. Toysu katuhu or ta anakne, Hokudai 2-siki pakno anakne Zoku-Jomon toysu ne wa, Hokudai 3-siki wano anakne Satumon toysu or un a=omare. Satumon toysu anakne re katu kor ruwe ne. Hoski an Zoku-Jomon toysu neno a=kar okake an jidai un p (6 wano 7 seki, Asuka jidai), iyotta yupkeno Hajiki toysu neno a=kar wa Tohoku un Hajiki toysu tura sonno uwe-neno an jidai un p (7 seki kes wano 8 seki, Nara jidai okari), newa Satumon bunka or un sinnay toysu kaske ta a=tata noka a=us jidai un p (9 seki, Heian jidai etokoho wano) ne. Nea a=tata noka kor sinnay toysu patek, sonno Satumon toysu ne sekor ye kur ka an ruwe ne.

Satumon bunka or wa Aynu puri ne hi anakne, pirkano a=erampewtek. Tanpe anakne, a=nukar husko cise kot moyo hi tura, toysu isam wa pa a=piski eaykap ne hi kusu ka ne. 11 seki wano 13 seki (Heian jidai okake wano Kamakura jidai kes) pakno ta okere noyne siran.

Sipirasa hi anakne tane an Hokkaido noski no an mosir ne korka, 10 seki wano 11 seki (Heian jidai noski) pakno ta, Aomori-ken mosir noski no kita 40 do or wa kita un mosir or ta Satumon bunka sipirasa sekor ye kur poronno oka ruwe ne.