Wp/aii/ܚܒܘܫܐ
ܚܲܒܘܼܫܵܐ ܝܠܗ ܦܐܪܐ ܓܠܘܠܐ ܘܡܬܐܟܠܢܐ ܕܐܝܠܢܐ ܕܚܒܘܫܐ. ܗܢܐ ܦܐܪܐ ܘܐܝܠܢܐ ܦܝܫܐ ܝܠܗ ܙܪܝܥܐ ܒܟܠܗ ܥܠܡܐ. ܚܒܘܫܐ ܐܝܬ ܠܗ ܐܢܢܩܝܘܬܐ ܡܪܕܘܬܢܝܬܐ ܒܡܝܬܘܠܘܓ̈ܝܬܐ ܟܒܝܪ̈ܐ (ܐܝܟ ܣܟܢܕܢܒܝܝܬܐ ܘܝܘܢܝܬܐ) ܘܬܘܕ̈ܝܬܐ (ܐܝܟ ܡܫܝܚܝܘܬܐ ܒܐܘܪܘܦܐ). ܐܝܬ ܬܠܬܐ ܦܨ̈ܠܐ ܕܚܒܘܫܐ: ܚܠܝܐ ܘܡܪܝܪܐ ܘܚܡܘܨܐ܀
ܡܘܕܥܢ̈ܘܬܐ ܝܥܝܬܢܝ̈ܐ
[edit | edit source]ܡܝܒܠܢܐ ܒܪܝܐ ܠܐܕܫܐ ܕܐܝܠܢܐ (Malus domestica) ܝܠܗ ܐܝܠܐ ܒܪܝܐ (Malus sieversii)، ܕܦܝܫܐ ܝܠܗ ܡܘܫܟܚܐ ܒܐܣܝܐ ܩܢܛܪܘܢܝܐ ܒܓܘ ܬܝܡܢܐ ܕܩܙܩܣܛܢ ܘܩܪܓܝܙܣܛܢ ܘܬܓܝܟܣܛܢ، ܘܐܦ ܙܐ ܒܩܠܝܡܐ ܕܫܝܢܓܝܢܓ ܓܘ ܨܝܢ. ܐܦ (Malus sylvestris) ܟܒܪ ܗܘܐ ܡܝܒܠܢܐ ܠܐܝܠܐ ܕܚܒܘܫܐ.
ܬܫܥܝܬܐ
[edit | edit source]ܩܢܛܪܘܢ ܕܐܕܫܢܝܘܬܐ ܕܓܢܣܐ ܕܚܒܘܫܐ Malus ܝܠܗ ܓܘ ܬܘܪܟܝܐ ܡܕܢܚܝܬܐ. ܐܝܠܢܐ ܚܒܘܫܐ ܟܒܪ ܗܘܐ ܗܘܐ ܐܝܠܢܐ ܩܕܡܝܐ ܒܙܪܘܥܬܐ، ܘܦܝܫܐ ܝܠܗ ܛܐܝܒܐ ܦܐܪܗ ܒܡܨܥܝܘܬܐ ܕܓܘܒܝܐ ܒܡܬܚܐ ܕܐܠܦܝ̈ܐ ܕܫܢ̈ܐ. ܐܠܟܣܢܕܪܘܣ ܪܒܐ ܡܚܘܫܒܢܐ ܝܠܗ ܥܠ ܡܫܟܚܬܗ ܕܚܒܘܫ̈ܐ ܕܐܡܙܪܐ ܓܘ ܐܣܝܐ ܙܥܘܪܬܐ ܒܫܢܬܐ ܕ-300 ܩܡ܊. ܘܚܒܘܫܐ ܕܡܘܝܬܐ ܠܗ ܥܡܗ ܠܡܩܝܕܘܢܝܐ ܟܒܪ ܗܘܐ ܗܘܐ ܡܝܒܠܢܐ ܠܡܒܘܥܐ ܡܐܘܡܙܪܐ. ܚܒܘܫܐ ܕܣܬܘܐ ܕܟܐ ܦܐܫ ܩܛܝܦܐ ܒܐܚܪܝܬܐ ܕܬܫܪ̈ܝܘܬܐ ܘܕܟܐ ܦܐܫ ܡܘܘܨܪܐ ܠܥܠ ܡܢ ܕܪܓܐ ܕܡܬܓܠܕܢܘܬܐ، ܘܗܘܝܐ ܝܠܗ ܡܐܟܘܠܬܐ ܐܢܢܩܝܬܐ ܓܘ ܐܣܝܐ ܘܐܘܪܘܦܐ ܡܢ ܐܠܦܝ̈ܐ ܕܫܢ̈ܐ، ܘܗܪ ܗܕܟܐ ܓܘ ܐܪܓܢܛܝܢ ܘܐܦ ܓܘ ܐܘܚܕܢܐ ܡܚܘܝܕܐ ܡܢ ܕܡܛܝܬܐ ܕܐܘܪ̈ܘܦܝܐ.
ܝܘܬܪ̈ܢܐ ܚܘܠܡܢܝܐ
[edit | edit source]ܗܢܐ ܦܐܪܐ ܐܝܬ ܠܗ ܝܘܬܪ̈ܢܐ ܟܒܝܪ̈ܐ ܠܚܘܠܡܢܐ ܕܒܪܢܫܐ. ܟܐ ܡܚܝܠܢ ܠܡܘܚܐ ܘܠܠܒܐ ܘܠܐܣܛܘܡܟܐ، ܡܗܢܝܢܐ ܝܠܗ ܠܣܘܡܣܡܐ ܕܟܐܒܐ ܫܪ̈ܝܬܐ ܘܡܚܝܬ ܠܒܐ.'
ܡܘܕܥܢ̈ܘܬܐ ܬܘܪ̈ܣܝܝܐ
[edit | edit source]ܟܠ ܚܕ ܚܒܘܫܐ ܡܨܥܝܐ ܒܟܝܘܠܐ ܥܡ ܩܠܦܗ (182ܓ)، ܠܦܘܬ ܘܙܝܪܘܬ ܙܪܘܥܬܐ ܐܡܝܪܟܝܬܐ ܥܠ ܡܘܕܥܢ̈ܘܬܐ ܬܘܪ̈ܣܝܝܐ ܐܬܘܝ̈ܐ:
- ܫܓܪ̈ܐ ܕܚܡܝܡܘܬܐ: 95
- ܬܪ̈ܒܐ: 0.31
- ܩܪܒܘܗܝܕܪ̈ܬܐ: 25.13
- ܪ̈ܒܠܐ: 4.4
- ܫܟܪ: 18.91
- ܦܪ̈ܘܛܝܢܐ: 0.47