Wp/aig/Sen Peeta

Disya aatikl eena Nawt Aanteegan.

Sen Peeta

Naiga numba	5,706 (2018)
Kawnchri	Aanteega an' Baabyuuda

Sen Peeta, ofishali de Parish a Sen Peeta, a wan parish a Aanteega an' Baabyuuda pan de ailan a Aanteega. Sen Peeta tuch pan Sen Paal dung-a-sut'n, Sen Filip pan ees, an' Sen Jaaj an' Sen Jaan pan wes. Sen Peeta mos'li kavar wid faam-lan, savana, an' bak-bush fiel' dem, an' de tuch-lain dem no set out klin. De biges' siti we stap holely eena de parish a Paaram, an' a i da kaapit'l tu. Bot de paat a Aal Sients we stap eena Sen Peeta biga den Paaram. Sen Peeta min mek wid de arda fou' orijinal parish dem eena 1692. Een 2018, dem esteemet 5,706 naiga eena de parish.

Sen Peeta mos'li raan by aagrikalcha an' indastri, an' de likl setlmen' dem eena de parish a paat a Aal Sients, Daiamanz, Fryiman', Peariz, Paaram, an' Vuononz. Mos' a de parish naiga stap long de wes boun'ree wid Sen Jaan. Peariz a de wan majah setlmen' eena de mid'l a de parish. Praaki no badi stap eena de ees paat a de parish excep' de likl hamlet dem, Kanaknat Aal an' Gilbots. Eena de nawt'n paat a de parish, Sen Peeta av Gyaana Ailan an' de Nawt Saund Ailan dem, an' de Kraabs Penisyuula. Lang Ailan, we av tree parmanent naiga, an' Meidn Ailan, laa saa se legali dem stap eena Sen Jaaj; bot pan palitix an' pan staatistix, dem kaunt dem under Sen Peeta. Lang Ailan an' Meidn Ailan kaunt wid Sen Peeta fu sensas wok.

Sen Peeta no av moch big-bigl tuorizm saits; pan de min-lan, praa'ki no bich no de deh. Paaram Aaba somtaim de yuu'z bai lokl naiga, mos' taim pikni dem, fu swim. Bot Sen Peeta av nuf uol-time Amerindiyan vilij-sait, an' Beti Oop shugaa planteshan, wan a de majah simb'l pan de ailan. Pan Gyaana Ailan, yu kin si Yuropin falo dia dem. Aaf-shoa, deh av nuf klia-waata an' rif dem, an' nuf aaf-shoa ailan dem laik Griet Buod Ailan we tuorist dem go tap.

Sen Peeta min mek eena Aagast 1681 wen Aanteega chop op eena faiv parish. Sen Peeta an' de oda fou' parish dem min permanenli establish eena Julai 1692, an' konfiom eena Janeweri 1693. De main chuun fu mek parish min fu gi proveezhan fu de parish chuo’ch. Mos' a de parish lan dem min, an' yet, stil de, yuu'z fu faamin wok. Tudeh yu kin si nuf uol taim-somtin lef, laik Moesaz Kreek an' Kanaknat Aal planteshan dem.

Istori

Amerindiyan preezans

Twenti Hil eena Paaram an' Jali Bich eena Jali Bei a de tuu saits pan Aanteega we av de taim-fos' an' mos' waaty saits a yuuman stap, sirka 1775 bifoo Kraist.

Briteesh taim

Pan 24 Aagast 1681, dem staat de parish a Sen Peeta. Een de fos' taim, Sen Peeta mash-up eena de New Nawt Saund Divizhaan, Old Nawt Saund Divizhaan, an' Moesaz Kreek Divizhaan. Bot eena 1725, New Nawt Saund bruk-af an' ton im own parish, Sen Jaaj. Wan chaat dem publis eena 1782 shuo se de parish av wan smol paan niem Pinz Paan, an' wan smol chuo’ch nier Peariz. Deh min av 27 sleiv planteshan dem eena de parish.

Jiografi

Doah de parish mos' flat an' gud fu naiga stap pan, mos' a de naiga dem stap eena de tick siti-belt long de wes boun'ree. Praaki likl lokyaliti avsaide a dat belt. De parish av moas' a de kawnchri smol ailan dem, an' nuf kreek an' bei, an' mos' a de kreek dem stap nier de tuch-lain a de parish. Mos' a de waata-badi dem stap eena de sut'n-ees paat a de parish; Potwuox Daam, we Sen Peeta shee wid Sen Paal, a de biges'. De parish roun-bai nuf a Aanteega uol-time railin infrastrokcha.

Demografix

Sen Peeta no too varaietee laik oda parish. Een 2011, de parish av 5,317 naiga. De parish av nuf et'nik grup: Aafrikan-disendaant 92.85 persen', wait naiga 0.39 persen', Ees Injan 0.75 persen', mix'd blak an' wait 1.12 persen', oda mix'd 3.24 persen', Ispanik 0.50 persen', Syreya an' Lebaneez 0.04 persen', oda 0.33 persen', an' naah nuo an' naah stap 0.79 persen'. De biges' rilijin grup dem a Aanglikan 20.29 persen', Aadventis 15.46 persen', Pentekastal 11.22 persen', Metadis' 10.87 persen', an' naan-rilijin 7.68 persen'. Plus, 1.19 persen' a de naiga dem a Rasta.

Een 2011, de kawnchri-a-birt' grup dem eena de parish planti: baan eena Aafrika 0.04 persen', oda Laatin Amerikah an' Nawt Amerikah kawnchri dem 0.17 persen', Aanteega an' Baabyuuda 76.10 persen', oda Karibiyan kawnchri dem 0.56 persen', Kanada 0.27 persen', oda Aezhan kawnchri dem 0.02 persen', oda Yurop kawnchri dem 0.04 persen', Domineeka 2.93 persen', Dominikan Repoblik 0.54 persen', Gaeana 7.36 persen', Jamaika 3.06 persen', Manserat 0.40 persen', Sen Kits an' Neevis 0.46 persen', Sen Luusha 0.15 persen', Sen Vinsent an' de Grenadeen dem 0.83 persen', Chinydad an' Tobiego 0.31 persen', Yunaitid Kingdam 0.52 persen', Yunaitid Steit dem 3.14 persen', Voerjin Ailan dem 0.50 persen', an' naah stap 2.58 persen'.

Ekonami

Een 2011, fram de 2,285 uoka dem eena de parish, 1.61 persen' get deili pei, 44.35 persen' get weekli pei, 20.31 persen' get faatnaitli pei, 30.85 persen' get montli pei, an' de res' get anada kaain a pei taim. 20.76 persen' a uoka dem a pei Gavament im'ploi, 6.74 persen' a statyutri-badi im'ploi, 54.53 persen' a praivit im'ploi, 3.22 persen' a praivit-uoos im'ploi, 2.63 persen' a self-im'ploi wid pei im'ploi, 9.96 persen' a self-im'ploi widout pei im'ploi, 0.89 persen' av anada uoka-staatas, an' 1.27 persen' naah nuo an' naah stap. Fram de 212 bizniz-ouna dem eena de parish, 28.99 persen' meik unda EC$1,000 pan wan mont fram dem bizniz, 21.74 persen' meik $1,000–$1,999, 19.81 persen' meik $2,000–$2,999, 14.01 persen' meik $3,000–$4,999, an' 15.46 persen' meik $5,000+.

2.35 persen' a naiga dem de du subsistans faamin.