Wp/aig/Sen Mieree
| Sen Mieree | |
 | |
| Naiga numba | 8,141 (2018) |
| Kawnchri | Aanteega an' Baabyuuda |
Sen Mieree, ofishali de Parish a Sen Mieree, a wan parish a Aanteega an' Baabyuuda pan Aanteega ailan. Sen Mieree tuch wid Sen Jaan pan nawt, an' wid Sen Paal pan ees. Sen Mieree dominet bai de Shekali Mauntn dem; de nawt'n bonda mos'li maak bai de mauntn dem an' bai Kux Kreek. De biges' tong eena de parish a Boulans, hom fu Jali Aaba nebaahud; de parish chuo’ch stap eena Ol Roud. Sen Mieree set fu stap fu gud wid de ada faur arijinl parish dem eena 1692. Een 2018 es'timeet, am gad 8,141 naiga.
De uonli ariya we Aanteega blak painaapl kudaa gro a de Painaapal Belt, we inklud Sen Mieree. De seetelmen a Oul Roud an' Yo'linz stap dung eena sout paat a de parish; Boulans an' Jenins stap pan de flaat nawt' haaf a de parish, we moas' a Sen Mieree popyuulieshan kongrijgiet. De Shekali Mauntn dem sheel' moas' a de parish lan fram naiga, mek mos' a wa lef' stap no-inhabit. De remout komyuniti a Jaan Hyuuz—weh tie mo wid Sweet eena Sen Paal dan wid de parish hole— a wan a de likl naigaspaat dem eena de Shekali Mauntn dem.
Sen Mieree mejk eena Aagast 1681, taim Aanteega daivaid eena faiv parish. Sen Mieree an' de faur ada parish dem set fu stap fu gud pan Julai 1692, an' konfaam pan Janeweri 1693. De main rizon fu set-op parish dem a gi paavidjan fu de parish chuo’ch. De moas' a de parish agri'kulja lan—'cep de mauntn—yoosta hom fu shuuga mil dem. Plenti remnang fram de parish pas' stil seebul nou, laik de Yaak niem Seedaa Vali Planteshan, o de Wedaaril planteshan.
Istori
[edit | edit source]Jali Bich naiga dem
[edit | edit source]De Amerindyan Jali Bich sait a de mos nou-wel-niem egzampul a wan hool aakaik habitatshan sait, from fos-fos taim wen naiga demo di live pan Aanteega an' Baabyuuda. Aakawdin ta tuu rejio-kaabon deet dem fram 1,775 an' 1,589 bifuo Kraist, naiga lib pan de sait 'twin 3,500 an' 4,000 yier bak. “Aakaik Ej” ya min se taim wen faamin wok an' potri-mekin naan posibel kaaz naa gad di teknaalaji yet. Jali Bich naiga lib pan nuf lokal plaan' dem an' seefuud. Dem yooz wud, flint, shel, an' volkaanik stoun fu mek tool. Simila tool dem fain eena Sout Amerika, so am shuo se Jali Bich naiga dem kum fram deh. Naa laik de leta Taino an' Ailan Karib we Yurop mishineri an' expluora si, wi naan know niem a de traib we lib deh o de langwij we dem taak.
Sieramik taim
[edit | edit source]Kedz Bei kaant az wan a de fos Yurop setlmen spot pan Aanteega. Een-a lee a de Shekali Mauntn dem, dis rich kuos'lan sheel' bai big baarya reef. Moas' notabil pre-Kolambiyan depazit a from early Sieramik Ej (Arawak) Saladoid taim, eben dough dem seen Aakaik Ej presens. Tudeh, lan yooz fu painaapl faamin mash-op nuf graun; bot eena plouin saison dem mek impo’tan fainin dem.
Britis taim
[edit | edit source]Pan 24 Aagast 1681, dem foun' de Parish a Sen Mieree. Een 1749 dem split de parish eena chree divizhaan: Oul Roud Divizhaan, Bamyuudyan Vali Divizhaan, an' Nyuu Divizhaan. Oul Roud Divizhaan kava Jansn Paaint, Krabs Hil, Yo'linz, an' Oul Roud—sout paat a de parish. Jali Aaba an' wan paat a Boulans mek op moas' a Bamyuudyan Vali Divizhaan. Nyuu Divizhaan tek moas' a de flaat ariya dem eena nawt, dominet de parish nawt'n saay. Moa dan 29 slev planteshan stap eena Sen Mieree.
Jiografi
[edit | edit source]Bagi Peek (we dem yoosta kaal Maunt Obama) a de hais poin' eena de parish an' eena Aanteega an' Baabyuuda. Eben dough de Shekali Mauntn dem dominet de parish, moas' a de naiga dem live roun' de shoa o pan de flaat nawt'n distrik—hom fu Boulands, de kaapit'l a de parish. Kaaz a de speshal raan-faal paat'n an' long agri'kulja istori, Sen Mieree an' Sen Paal a de main spot dem weh dem pleen de Aanteega Blak Painaapl—plenti kaal am de sweetis painaapl eena de worl. De nawt'n flaat paat kary moas' a de strim dem. Ya gad som a de biges' wetlan an' waata badi dem: Yaax Saat Paan, Waalinz Rezevwaa, De Flashiz, an' Jali Hil Saat Paan. Jas laik Sen Paal, de parish naa gad plenti ailan.
Demografix
[edit | edit source]Een 2011, 76.51% a de naiga dem baan eena Aanteega an' Baabyuuda. 0.29% baan eena Aafrika; 0.10% baan eena “oda Laateen o Nawt Amerikan kawnchri dem”; 0.39% “oda Karibiyan kawnchri dem”; 0.69% Kanada; 0.26% “oda Aezha kawnchri dem”; 0.95% “oda Yuropiyan kawnchri dem”; 2.97% Domineeka; 0.63% Dominikan Repoblik; 4.61% Gaiaana; 4.41% Jamaika; 0.48% Manserat; 0.37% Sen Kits an' Neevis; 0.30% Sen Luusha; 0.29% Sen Vinsent an' de Grenadeen dem; 0.40% Chinydad an' Tobiego; 1.63% Yunaitid Kingdam; 3.14% Yunaitid Steit dem. De res' fram Voerjin Ailan dem (Yunaitid Steit dem) an' naan-stiet.
Blak naiga dem mek op 92.13% a de popyuulieshan; den Kom Wait naiga (3.49%); ees Injan (0.37%); mix'd wait/blak (0.48%); oda mix'd (1.61%); His'panik (0.75%); Syreyan an' Libaneez (0.04%); oda et'nik (0.49%); res' naan speshifai.
Moas' a de popyuulieshan a Aanglikan (21.94%); Aadventis (17.20%); Moravian (15.21%); Pentekastal (7.81%); an' naan-rilijin (6.54%). 1.37% a de naiga dem a Rastafari.
Sout Aanteegan varaietee a de Aanteegan an' Baabyuudan langwij naatif ta de parish an' ta de vilij a Swites eena Sen Paal.
Ekonami
[edit | edit source]Een 2011, gad 358 biznis-ouna eena de parish. 25.37% mek unda EK$1,000 pan wan maand; 17.40% mek $1,000 ta $1,999; 20.35% mek $2,000 ta $2,999; 17.70% mek $3,000 ta $4,999; 19.17% mek ova $5,000. Fram de 3,391 waka naiga: 21.36% pay az gavaman im'ploi; 3.27% pay az statyutri-badi im'ploi; 55.34% pay az prai'vit im'ploi; 2.12% pay az prai'vit uos im'ploi; 3.39% self-im'ploi widout peid im'ploi; 12.36% self-im'ploi widout peid im'ploi (ada kaind); 1.15% ada waka-staetas; 1.00% naan know/naan state. Fram 3,114 we dem ax: 2.75% pay dayli; 45.07% pay wikli; 19.80% pay faat'naitli; 30.04% pay maandli; res' pay ada taim.