Wp/aig/Sen Jaan
| Sen Jaan | |
 | |
| Naiga numba | 56,736 (2018) |
| Kawnchri | Aanteega an' Baabyuuda |
Sen Jaan, ofishali de Parish a Sen Jaan, a wan sivl parish a Aanteega an' Baabyuuda, pan de wes'n nawt'n paat a Aanteega ailan. Kaapit'l a de tong a Sen Jaan Siti. Sen Jaan tuch wid Sen Mairee, Sen Peeta, Sen Jaaj, an' Sen Paal. Sen Jaan faas pan de Karibiyan see. Sen Jaan raung-up bai som a Aanteega tap bich dem. Een wan 2018 es'timeet, Sen Jaan gad 56,736 naiga, mek am howm fu moas a de popyuuleishan een Aanteega an' Baabyuuda.
Do Sen Jaan a wan sivl administreishan divizhaan, de Aanglikan Parish chuch stap eena de tong a Sen Jaan. Sen Jaan mosli sen'ta roun de Sen Jaan urbaan eeriya an' de nawt'n tuorist eeriya, bot aazo howm fu muor ruural eeriya dong eena de sut'n saaylient an' eena Faiv Ailan Yeptons eeriya. Kaaz Sen Jaan howl moas a de popyuuleishan a Aanteega an' Baabyuuda, ya find andred-an'-muor livin-pleis dem, som a dem tap-dif'ran fram wan anada. De ailan a Redaanda dey anda de administreishan a Sen Jaan tu.
Sen Jaan mek pan 24 Aagast 1681, wen Aanteega split op een faiv Parish. Sen Jaan an' de oda faor Parish dem set dung paamanent een Julai 1692, an' konfirm een Janeweri 1693. De main reezn fu set op Parish a fu gi fu de Parish chuch. Aou'said a de tong, moas a de ruural eeriya dem min yuuza az shuga-mil yaad. Nuf remnant fram de Parish pas stil seebul nou, laik See'da Vaali Planteshan, o Weaderil Planteshan.
Gavanans
[edit | edit source]Sen Jaan maach wid de bawn'driz a Majistraat Kot Distrik "A". Do lokal gavanans mos naan een Aanteega, eena de tong-senta a Sen Jaan ya gad wan likl fom a lokal gavanans niem de Sen Jaan Dibelopmen Kaap'reishan. Az de kawnchri main paalitikal an' kalchaal hob, Sen Jaan get biga otanami dan de oda Parish dem, wid som gavament aa'fis niem fu de Parish wan. Bak wen vilij konsil dem min a wok, dem did praat fu mek vilij konsil een Potaz, See'da Grov, Faiv Ailan, an' Sen Janston an' Klea Aal. Wan vilij konsil eena de tong a Aal Sients, wey spred akraas tri Parish, min set op tu.
Edikieshan
[edit | edit source]Ailan Akademi Intanashanal, de wanli intanashanal skuul eena de kawnchri, stap eena de tong a Bokliz eena Parish a Sen Jaan. Bifo, niem a min Oliva Es'ate Ailan Akademi.