Wp/aig/Radawnda

Disya aatikl hafu chek fu spelin. Yu kyaan 'elp.

 Disya aatikl eena un'nuon dialek.

Radawnda a Radonda a wan uninhaybitid Karibiyan ailan weh a dependency fu Sen Jaan, Aanteega an' Baabyuuda, eena de Liwaad Ailan dem, Wes Indie. De ailan aabut 1.6 kilometa long, 0.5 kilometa waad, an a 296 metra hai at its haiest point.

Um layt biteen de ailan dem Nevis an’ Montserat, 56.2 kilometa soutwesa fu Aanteega. Redawnda a klosa fu Montserat dan fu eniy oda ailan; um stap 22.5 kilometa nawtswes fu Montserat an’ 32 kilometa sout'ees fu Nevis.

Redawnda a oom fu vast nambar a sea bird dem, an de ailan did important source fu guano bifoa artifishal fertilaisaz startid fu mass-prodyuus. Guano-minin opshan dem startid eena de 1860-dem an’ sisid afta de stat a Worl Waa Wan. Durin de minin opshan dem, a fuw bildin dem an’ oda instalayshan dem put eena de ailan, an nanning fizik relik fram dat feiz eena its istori stil dey fu si.

“Redawnda” a de feminin form a de ’paanish langwij adjektif meenin' “raund.” Een 1493, pan his sekond voyiyj fu de Nuu Worl, Kristafa Kolombus si de ailan an niem um “Santa Maria la Redonda.”

De ailan min get annex bai de Aanteegan Parish a Sen Jan pan 26 Maach 1872.