Wp/aig/Manserat
| Manserat | ||
| ||
 | ||
Manserat (/mɒnsəræt/) a wan British Ovasiz Teritri eenna de Karibiyan. E stap az paat a de Liwaad Ailan dem, de nawden saide a de Lesa Antil chayn eenna de Wes Indiz. Manserat roun sixtin kilometah lang an ilevan kilometah waid, wid bout fourti kilometah a kouslain. Dem kaal um “De Emaral Aail a de Karibyan” kaaz e luk laik de kous a Aailan, an tu kaaz plenti a de people pan de aailan hab Aailish ansestri. Manserat a de onli non-fuuli sovrin memba a de Karibyan Komyuniti an de Oganayzieshan a Eestahn Karibyan Stiets, eben dough dat na mek um de onli dependansi eenna de Karibyan.[1]
Pan de aittin a Julai naintin nainti-faiv, de Suufriye Hilz valkeino, we ben kwaai chuu lang, ton akteev pan de soden end a de aailan, an e eruptions mash dong Plimot, de Georgiyan taim kapitl a Manserat we ben stap pan de wes kous. Fram 1995 tu 2000, chuu-chuud a de people dem haffu lef, mos a dem run go Engeland, leevin less dan wan t'ousand tu hondrid pan de aailan een 1997. (De people dem ben gro tu nearly faiv tauzan by 2016.) De valkeino still akteev, mosli mashin up roun Plimot side, includin de dock dem, an de eesahn side a de aailan roun de uol W. H. Bramble Airpaat, wa get kava dung bai lava flo fram anedda valkeino blast pan de ileven a Febuari 2010.[2]
Wan exklyuuzhan zoun get put een place, kava de soden paat a de aailan go op tu paat dem eenna de Belham Vali, kaaz a de big big doum a valkeino wa deh deh an de chanst a pyroklastik axhaan. Vizyta dem gyenerali na allowed go eenna de exklyuuzhan zoun, bot yuh kyahn si de mash op Plimot fram tap a Garibaldi Hil eenna Aailz Bie. De valkeino stap kwaai sins e'li 2010, an de Manserat Valkeino Obzaavatri still dey monitor um.[3]
Een 2015, dem mek annonsment dat dem gwain plan wan nyu taun an port eenna Likl Bie pan de naw-wes kous a de aailan, an de senta a gavament an bizniss dem move temporary tu Bredz. Afta plenti delay, inkluudin Hurricane Urma an Maria een 2017, an de COVID-19 pandemik wa staat een e'li 2020, de Likl Bie Port Developmang Prajek, wan £28 milyan praject we fund bai de UK an de Karibyan Developmang Bank, staat een Juun 2022.[4]
Refrens dem
[edit | edit source]- ↑ "► VIDEO: Montserrat, the Emerald Isle of the Caribbean". The Irish Times. Archived from the original on 28 June 2023. Retrieved 9 January 2018.
- ↑ Schuessler, Ryan (14 February 2016). "20 years after Montserrat volcano eruption, many still in shelter housing". Al Jazeera. Archived from the original on 27 November 2022. Retrieved 23 November 2016. Montserrat's population has grown to nearly 5,000 people since the eruption — mostly due to an influx of immigrants from other Caribbean nations.
- ↑ Bachelor, Blane (20 February 2014). "Montserrat: a modern-day Pompeii in the Caribbean". Fox News Channel. Archived from the original on 30 June 2023. Retrieved 16 March 2016.
- ↑ "UK Armed Forces step up support to the Caribbean Overseas Territories during coronavirus pandemic". GOV.UK. Archived from the original on 2 July 2022. Retrieved 1 July 2022.
.svg)