Wp/aig/Karibiyan See
De Karibiyan See a wan tropikal see een de senta a de Karibiyan eeriya. Dis waata bodi ya a paat a de Aatlantik Oushan. De see stap soutees a de Golf a Mexiko. Dis ya hol see kaal op wan eeriya a 2,750,000 skwier kilomeeta (1,060,000 sq mi). Ee kaal aaf bai Kyuuba, Hispaanyoola an Porto Reeko een de nawt, Sentral Amerika een de wes an Sout Amerika een de sout.
Dis see ya deep laik de oushan dem. Ee deepis pwaint ee bileev fu stap loaa dan 25,220 ft (7,686 m). Dat mek dis pwaint ya wan a de loaa pwaint dem pan de siefis a de ert, an mek de Karibiyan See wan a de deepis see dem een de hol werl.
De Karibiyan See hab plenti ailan, an dem popilaa mong Nawt Amerikan chuuris dem kaaz a dem tropikal klaimat. De Karibiyan See niem rong de hol werl az wan popilaa chuuris plas.