Wp/aig/Kantinent

Disya aatikl eena Nawt Aanteegan.

Wan kantinent a any wan outta plenti big jiagrafikal rijan. Kantinent dem jranerly kall so chuu kavenchan, no chuu no strikt ruul. Wan kantinent kudda be wan big lan-mas, wan pats a wan chuupaa big lan-mas, same way ow Aezha an Yurop stan up eenna Yuurazha, ar wan lan-mas wid islan roun um eenna fu um kantinental shelf. Chuu all dem difrant defnishan yah, de kaant a kantinent dem change up; it kud go up to 7, ar it kud be jus 4 jiagrafikal rijan dem we dem kall kantinent. Nuff Inglish-takin kawnchri see 7 a dem as kantinent. Fram biggis to smaliss, dem 7 rijan ya a: Aezha, Aafrika, Nawt Amerika, Sout Amerika, Aantaktika, Yurop, an Austrelia (somsaim dem kall um Ousheena ar Ostrelazha). Som oda list mash up some a dem: lak Aezha an Yurop mash up fu mek Yuurazha; Nawt an Sout Amerika mash up fu mek "de Amerikaz" (ar jus "Amerika"); an Afrika, Aezha an Yurop mash up fu Afro-Yuurazha.^[1]

Oushanik ailan dem somtaim group up wid wan kantinent klose by, so naiga kud split up de hole worl lan inta jiagrafikal rijan. Eenna dat plan deh, most islan kawnchri an territori dem eenna Pasifik Oushan group up wid Austrelia, mekkin wan big jiagrafikal rijan name Ousheena.^[2]

Eenna jialaji, wan kantinent mean wan big lanmas pan Eet, inkludin both dry lan an de kantinental shelf. De jialajikal kantinent dem match up wid 7 big area a kantinental krust pan de tektonik pleet dem. Dem no kount smal kantinental chuuup dem lak Madagaska, weh naiga dem kall maikrokantinent. Kantinental krust no deh noweh else but pan Eet.^[3]

De idea seh kantinent dem use to drift gain naiga dem attenshan eena de 20 senchri. De ting seh de kantinent dem now use to be wan big kantinent name Panjia, weh bruk up hundrits a milyan yaaz ago.

Refrens dem

↑ "Continents: What is a Continent?". National Geographic. 20 September 2011. Archived from the original on 16 July 2019. Retrieved 6 December 2020. "Most people recognize seven continents—Asia, Africa, North America, South America, Antarctica, Europe, and Australia, from largest to smallest—although sometimes Asia and Europe are considered a single continent, Eurasia."
↑ Murray, Warwick E. (2016). "Changing Rural Worlds – A Global View". In Daniels, Peter; Bradshaw, Michael; Shaw, Denis; Sidaway, James; Hall, Tim (eds.). An Introduction To Human Geography (5th ed.). Pearson. p. 231. ISBN 978-1-292-12939-6.
↑ Choi, Charles Q. (16 July 2015). "Did Ancient Mars Have Continents?". Space.com. Archived from the original on 9 June 2023. Retrieved 6 December 2020.

[1] "Continents: What is a Continent?". National Geographic. 20 September 2011. Archived from the original on 16 July 2019. Retrieved 6 December 2020. "Most people recognize seven continents—Asia, Africa, North America, South America, Antarctica, Europe, and Australia, from largest to smallest—although sometimes Asia and Europe are considered a single continent, Eurasia."

[2] Murray, Warwick E. (2016). "Changing Rural Worlds – A Global View". In Daniels, Peter; Bradshaw, Michael; Shaw, Denis; Sidaway, James; Hall, Tim (eds.). An Introduction To Human Geography (5th ed.). Pearson. p. 231. ISBN 978-1-292-12939-6.

[3] Choi, Charles Q. (16 July 2015). "Did Ancient Mars Have Continents?". Space.com. Archived from the original on 9 June 2023. Retrieved 6 December 2020.

[1]

[2]

[3]