Wp/aig/Johann Sebastian Bach
Johan Sebaastyan Baak (31 Maach 1685, Aizanak – 28 Julai 1750, Laipsig) min wan Jaman kompoza, mo no az wan oganis eena hi taim. Hi liv eena de las paat a de Barok pierid. Hi mos famus fu hi wok Tokata an Fuug eena D Maina, Sen Maatiu Pashan, Sen Jon Pashan, Maas eena B Maina, an de Brandnbog Konsato dem. Hi spend sevral yeer wok pan nob'lman koort dem. Ya so hi rait mos a hi cheemba myuuzik an aakistral myuuzik. Mos a hi laif, do, hi wok eena chuch we dem expek hi fu rait chuch myuuzik. Baak rait mos ebry kain a myuuzik exkep oopra. Ina de las paat a hi laif mos kompoza dem min a rait eena wan nyuu stiel dem kyal Klaasikal, bot Baak aalweiz rait eena de Barok stiel. Dat mek som people den taim tink hi ool-fashan, bot tudeh wi no se hi wok a de veri bes a Barok myuuzik. Lang wid Mozaat an Beetovin, Baak regaad az wan a de greitest kompoza dem we eva liv.