Wp/aig/Gustav Mahler
Gustav Maala (baan Kalish (naa Kalishte), Bohimiya, 7 Julai 1860 – ded Viena, 18 Mei 1911) min wan Chek-Aastriyahn kompoza an kandaakta. Hi wan a de las greit kompoza dem a de Roemantik pierid. Hi rait ten simfoni dem (hi lef de tent simfoni unfineesh) an sevril kolexhan a song wid aakis tral kompaniment. Hi veri intares eena Jaman folk song an hi fain nyuu we fu yuuz folk song eena laaj aakistral simfoni dem. Hi wok Das Leed fon de Erde (De Song a de Uurt) wan a hi greitest wok, kombain song wid de sonata faarm a wan simfoni. Hi tuu wan greit kandaakta an hep fu mek de Viena Oopra wail-famus.