Wp/aig/Domineeka

Kamonwel a Domineeka

Domineeka, we offishali kaal de Kamonwel a Domineeka, ah wan ailan kawnchri eenna de Karibiyan. E stap eenna de Windwad Ailan chayn een de Lessa Antiliez aakipelago een de Karibiyan See. De kapital, Roozo, deh pan de wes side a de ailan. Domineeka nayba dem a tu Yuropiyan teritori, we Frans own: Gwaadlup eenna de naw-wes an Matinik eenna de sow-soo-ees. Domineeka lan eerya kova 750 km² (290 skwea mail), an de haises maantin deh pan Morne Diablotins, we stan 1,447 m (4,747 ft) tall. Eena de 2011 sensus, de populeshan bin 71,293.

Arawak peepl fram Sout' Amerika fus sotl pan de ailan een de fif senchri. Den de Kalinago kom an ron dem aff eenna de 15-senchri. Dem say de Christopher Columbus paas de ailan pan wan Sanda, 3 Novemba 1493. Lata dong de line, Yuropyan dem kolonayz de ples, mosli de Franch fram de 1690-dem go strait til 1763. De Franch kyarr slave fram Wes Afrika fu wok pan kafi plantieshan dem. Briteen tek ova Domineeka een 1763 afta de Sevnyiers Woa, an likl by likl dem mek Inglich de offishal langwij. Domineeka tun wan ripoblik een 1978 wen e gain independens.

Peepl kaal Domineeka de "Neycha Ailan a de Karibiyan" becuz e naichral envayranmen. E de yangges ailan eenna de Lessa Antiliez, an e stil a build up fram jeeotermal-volkanik akshon. Boilin' Liek, de worl bigges sekkan haat spring, deh deh. Domineeka full up wid chree-kyav maantin renfaris, an nuff rear plant, animal an bod spesiz liv deh. Som wes-koas eerya dem dry, but insaid de ailan, plentee rain faal.

De Sisserou Parat (wa dem kaal de impiryal amazon) kritikali endenja an ehn liv no wehs else pan dis wol but Domineeka. E de kawnchri naychanal bod an e deh pan de naychanal flag, wa mek Domineeka wan outta de tu ripoblik eenna de worl wa flag hav de kala puupul.

Domineeka memba eenna de Kamonwel a Nayshan, de Yunaityd Nayshan, de Organizieshan a Amerikyan Staits, de Organizieshan Internasyonal de la Frankofoni, de Organizieshan a ees' Karibiyan Staits, an de Non-Alaind Muuvmen.