Wp/aig/British Leewud Ailan dem
| British Leewud Ailan dem | ||
| ||
 | ||
.svg){kind=small}
De British Leewud Ailan dem min wan British kolonee fram 1671 go 1958, mek-op a de Inglish (aata British) aova-see paazeshan dem eena de Leewud Ailan dem. Fram 1816 go 1833 um done stap exis; eena dat taim dem split um eena tuu seperit kolonee: Aanteega–Baabyuuda–Manserat an' Sen Kristofa–Neevis–Angwila–Voerjin Ailan dem. Long 1958 dem dizolv um, afta de sepereishan a de British Voerjin Ailan dem, an' de remanin ailan dem ton paat a de Wes' Indiz Fedareishan.
Istori
[edit | edit source]De Leewud Ailan dem stablish az Inglish kolonee long 1671. Long 1816, de ailan dem split eena tuu reejan: Aanteega, Baabyuuda, an' Manserat eena wan kolonee; an' Sen Kristofa, Neevis, Angwila, an' de Voerjin Ailan dem eena de oda.
De Leewud Ailan dem jayn-bak agen az wan semi-fedaraal entiti long 1833; dem stap-link til 1872 anda de administraishan a de Gobna a Aanteega. Afta dat, fram 1872 go 1956, dem kaal um de Fedaraal Kolonee a de Leewud Ailan dem. Fram 1833 go 1940, Domineeka min paat a de kolonee; long 1940, dem tranfaar um go a de British Win'waad Ailan grup.
Pan 3 Janeweri 1958, al ailan dem 'sep de Voerjin Ailan dem get tek-eena de Wes' Indiz Fedareishan. British Leewud Ailan dem las-las done stap exis wen dem abolish de aafis a im gobna, an' wen British Voerjin Ailan dem get raise-up ta de steytas a wan seperit kraun kolonee, long 1960.
Wan reprizentaativ Leewud Ailan krikit teem stil a tek paat eena Wes' Indiyan domestik krikit.
Militchri fos' strakcha een 1939
[edit | edit source]De kolonee militchri fos' inkluud strakcha-dem fram Sen Kits an' Neevis, Manserat, Aanteega, Domineeka, an' British Voerjin Ailan dem.
- Sen Kits an' Neevis Defens Fos'
- Royal Manserat Defens Fos'
- Royal Aanteega Defens Fos'
- Domineeka Defens Fos'
Postaaj staamp dem
[edit | edit source]De ailan dem eena de Leewud Ailan dem yuuza postaaj staamp dem inskraeeb wid "LEEWUD AILAN DEM" bitween 1890 an' 1 Julai 1956, ofen same-taim wid staamp dem inskraeeb wid de kolonee niem. De ailan dem tuu ishuu revenyuu staamp dem fram 1882 go tru de 1930-dem.