Wp/aig/Baabyuudan an dey
| Baabyuudan an dey | |
 | |
| Popyuulayshaan | <1,632 (een Baabyuuda) |
| Plies a orjin | Baabyuuda |
| Langwij | Baabyuudan dialek |
| Rilijin | Kristiyaniti |
De Baabyuudan an dey (Nawt Aanteegan: Baabyuudan dem) a wan et'nik jain-up fram de ailan a Baabyuuda een de ees'n Karibiyan– mos a dey a Faante an oda Kromanti aajin. De Baabyuudan an dey taak de Baabyuudan dialek an Baabyuudan Inglish. De Baabyuudan an dey mek up mos a de Aafrikan naiga een Baabyuudan, an dey aalso lib pan oda Inglish-taakin rich-rich kawnchri an dey.
Istori an aajin an dey
[edit | edit source]De Baabyuudan naiga an dey mi fram de koas an dey a Gaana, wes a de siti a Aakra. De Baabyuudan an dey mi ship fram de puot a Kromatin, paat a de Faante naiga an dey een-laan fram de puot. Wen dey mi go fu Baabyuuda, de sliev an dey mek wan jainupnaiga pan de ailan. De numba a naiga go up wid likl bakra 'elp, wid onglis iet nyuu sliev an dey mi kum aata de firs shipmen. Een slievri taim, de Baabyuudan an dey mi hab gud-gud laif Maikl Wud mi sie. Oda den wan likl taim pan de 1780 an dey, fambli an dey na brek-up, an de Baabyuudan an dey neba haf fu mek suga kuz de ailan hab likl wata. De sliev an dey aalso git provizhaan groun bout 2–10 ieka fu everibadi. Kuz a dis, de Baabyuudan an dey mi hab hai-hai laiftaim an 'traanga dan de oda ailanda an dey een de Karibiyan. Aata de sliev an dey mi go free een 1834, de Baabyuudan an dey wuk az wiej wuka fu de Kaadringtin an dey til de 1870 an dey.[1] Sum a de Baabyuudan an dey aata dat mi go fu Laista, an oda go wid de naam'l Aanteegan an' Baabyuudan leevin paatn an dey, mi go fu Kanada an de Yunaitid Stiet an dey. Dey be muo Baabyuudan an dey ousaid Baabyuuda,[2] wid Baabyuuda mi hab 1,634 naiga an dey een 2011.[3] Jain-up wid de Aafrikan blud, de Baabyuudan an dey aalso hab likl nietib mix.[4]
Baabyuudan fambli an dey
[edit | edit source]Aal Baabyuudan an dey kom fram sebr'l fambli an dey– dey-ya fambli an dey mek mos a de ailan laas niem an dey.[1] Mos laas niem mi chuuz bai de bakra deyself a kom fram de ailan uovaseeya an dey. Fu mos a de ailan istori, dey onglis hab tuu a chree bakra a wan taim.[2]
Kulcha
[edit | edit source]De tradishanal wuk an dey a de Baabyuudan an dey be huntin an fishin.[5][6] Wan holheep a dey aalso go uos-raidin.[7] Baabyuuda hab wan holheep a deer an dey– mekin de Baabyuudan an dey nyam deer meet sumtaim. Shelfish, mos a de taim laabsta, kraab, an kaanx aalso nyam, siem wid barakuuda, daalfin, lam, guot, an cakl.[8][2]
Laan
[edit | edit source]Aata de mash-up a Kaadringtin ruul een de 1800 an dey, Baabyuudan an dey sie de ailan paat a dey inheritaans.[1] Fu aandred a yeer an dey, de Baabyuudan an dey hab komyuuniti laan ownaship, wid de Baabyuuda Laan Aak putin dis een de laa.[9] Dis ya aak gib aal naiga an dey baan een Baabyuuda, an naiga an dey wid Baabyuudan puupa, mama, an graandparen, no mata wey dey lib, paat a Baabyuuda laan fu no monee 'taal.[10]
Refrens an dey
[edit | edit source]- 1 2 3 Wood, Michael (2000). In search of England: journeys into the English past. Internet Archive. London : Penguin. pp. 292–298. ISBN 978-0-14-024733-6.
{{cite book}}: CS1 maint: publisher location (link) - 1 2 3 Wood, Michael (2000). In search of England: journeys into the English past. Internet Archive. London : Penguin. pp. 300–305. ISBN 978-0-14-024733-6.
{{cite book}}: CS1 maint: publisher location (link) - ↑ "Ethnic" (PDF). Archived from the original (PDF) on August 2, 2023. Retrieved August 2, 2023.
- ↑ "A tight-knit island nation hopes to rebuild while preserving 'the Barbudan way'". History. 2024-12-28. Retrieved 2024-12-28.
- ↑ "The Blue Economy Context in Antigua and Barbuda". Commonwealth. Retrieved 2024-12-28.
- ↑ "Barbuda is a wildlife paradise". Barbudaful. Retrieved 2024-12-28.
- ↑ "Horse racing". Barbudaful. Retrieved 2024-12-28.
- ↑ "Eat & Drink". Barbudaful. Retrieved 2024-12-28.
- ↑ "Barbuda's Communal Land Ownership". Pulitzer Center. Retrieved 2024-12-28.
- ↑ "The Barbuda Land Act, 2007" (PDF).