Wp/aig/Aanteegan an' Baabyuudan dialek dem

Disya aatikl eena Nawt Aanteegan.

Waan nuf varaietee a de Aanteegan an' Baabyuudan langwij mek wan brancha a de Ees'n Karibiyan langwij, plentee a dem ongle paatli de taaka dem ketch wan-aneda. Chaing-op show mo straang eena de mauntn rijen dem dong eena sout'-wes Aanteega. Dem varaietee klasifai eena seb'n big grup: Nawt Aanteegan, Sout Aanteegan, Baabyuudan, Sen Kitts, Aangwilan, Manserat, an' Kokoy– de Neevis dialek somtaim kaal de eit'.

Dialek dem

Aanteegan an' Baabyuudan a wan dialek kontinyuum; de farda de varaietee dem spred, de les dem ketch wan-aneda.

Nawt Aanteegan: Dis varaietee kyar de mos taaka dem an' peepl luk pan um laik de standa'd fomu a Aanteegan an' Baabyuudan langwij. Um staat a Sen Jaan Siti an' spred tru-tru nawth Aanteega kaaz plentee peepl komyuut go tong. De varaietee hab roun 48,000 baan taaka dem eena Aanteega an' Baabyuuda. Um simila mos fu Manserat langwij.

Sout Aanteegan: Dis varaietee de mo fara fram de oda langwij dem, so taaka dem fram oda varaietee ongle ketch som a wa dem a seh. Um taak eena de “Raun Sout” saide a Aanteega roun Shekali Mauntn dem, wid mo Aafrikan flava an' difran pronoun dem fram de res a de langwij. De dialek taak mosli by ola jenereshan taaka dem.

Baabyuudan dialek: Kaaz Baabyuuda kyar out fram de res a Leewud Ailan dem, Baabyuudan langwij gruo sep'rit an' ketch big influens fram Fante dialek a Akan.

Kitishan dialek: Taak aal oba de ailan a Sen Kits. Mos taaka dem bruk wan mesolek fomu, bot eena Kapestear reejan dem taak basilek. De grama nearly laik Nawt Aanteegan, bot dem hab dem own wud dem. Pitkern a wan langwij een de Pasifik min baan fram de Kitishan dialek.

Neevis dialek: Taak aal oba de ailan a Neevis bai de Nevizhin dem. Neevis hab likl difran taakin stail fram Sen Kits an mos a de taim jain-up wid de Kitishan dialek kuz a paaltix.

Aangwilan dialek: Dis varaietee stan' fara geografik an' lingwistik. Um ketch nuf influens fram Voerjin Ailan dem langwij kaaz de ailan nier Sen Maat'n. Peepl klasifai um laik dialek kaaz Aangwila min unda Kolonee Aanteega an' lieta Sen Kits–Neevis–Aangwila. taaka dem les dan 10,000.

Manserat dialek: Dis de kloses varaietee fu Nawt Aanteegan. Um taak mosli a Manserat wid 7,600 taaka dem, plus big Manserat diaspora. Um mash-op wid Aairish wud dem an' hab simila fu Jamaika Patwa kaaz de ailan kolonee histari.

Kokoy: Dis varaietee gruo eena Domineeka fram disendaant a Aanteegan an' Manserat setla dem. Um taak nati eena nawteest paat a de kawnchri weh dem peepl mek-up de majawrati, bot um spred tru de kawnchri an' ton de main Inglish langwij. Som stadi dem see Domineekan Kriyol Inglish an' Kokoy laik seprat varaietee.

Wud dem

Evry varaietee kyar e own wud set. Nawt Aanteegan feel straang dikriyolaizhaan an' kyar de hiees namba a akrolek taaka dem. Nawt Aanteegan yuuze pronoun shi, i, an' hi, kompea wid pronoun om an' i eena de mos basilek Sout Aanteegan. Sen Kitts varaietee luv yuuze lokal wud dem fu taak komplix topik, wile varaietee dem eena Aanteega an' Baabyuuda mos taim sweech go akrolek wen dem faes dem topik. Manserat kyar nuf Aairish wud dem laik mensha fu kuol wan yong she goat, an' plentee oda wud dem yu si eena sout'n Yunaitid Steit dem. Eena Aangwila, de wud ti stan' fu Inglish “it”; de Nawt Aanteegan wud a, yu si eena mos oda varaietee dem, furn uh eena Aangwilan.

Jainupnaiga

Yuus a de langwij lok dung pan eena profeshanal setin eena aal a dem kawnchri dem. Yet um mo axapt eena Aanteega an' Baabyuuda, Domineeka, an' Sen Kitts an' Neevis, kaaz dem kawnchri a puul-we fram British kolonee pas. Nawt Aanteegan gafa de mo rispek kaaz um klausa fu Standaad Inglish an' dominit laik de mos bruk varaietee, speshal eena Aanteega an' Baabyuuda. taaka dem a Aanteegan an' Baabyuudan langwij mos taim idenifaay wid dem dialek insted a wid de langwij pan a whole. Kokoy an' Sout Aanteegan a minaariti langwij pan dem ailan, an' dem varaietee far-far fram Nawt Aanteegan, so peepl mos taim luk pan dem laik noh profeshanal. Koud-sweech hapm plentee – peepl flop twixt Karibiyan Inglish dialek dem laik Aanteegan an' Baabyuudan Inglish, ar twixt basilek, mesolek, an' akrolek varaietee dem.

See aalso