Wp/aig/Aagrikalcha
Disya aatikl hafu chek fu spelin. Yu kyaan 'elp.
Disya aatikl eena un'nuon dialek.
Aagrikalcha a kyaava kraap an laivstak pradoxhan, akwakalcha, an faaristri fu fuud an naan-fuud pradok dem. Aagrikalcha bin wan kee faakta ina de raiz a yuuman sivilizieshan, kaa fahmin a daames'tiketid speeshi dem mek plenti fuud, mek peepl kudda liv inna siti dem. Yuuman staat gyada green al lees 105,000 yie ago, bot faama dem jos staat plant um raun 11,500 yie ago. Sheep, guot, pig, an kyatl bin daames'tiketid raun 10,000 yie ago. Plant dem bin plaantin inna lees 11 rijan a di worl bai demself. Inna di 20t senchri, indoschrial aagrikalcha bies an laag-skieil wan-kraap faamin kom fu tek oova aagrikalcha pradoxhan.[1]
Fram 2021, likl faam dem mek bout wan-towd a di worl fuud, bot a di big faam dem daaminiet. Di biggis 1 persen' a faam dem ina di worl mo dan 50 hekta (120 ieka), an dem opareet ova 70 persen' a di worl faamlan. Nieli 40 persen' a aagrikalcha lan faan pan faam biga dan 1,000 hekta (2,500 ieka). Howeva, faiv outta evri six faam ina di worl smala dan 2 hekta (4.9 ieka), an dem onggl tek bout 12 persen' a aagrikalcha lan. Faam an faamin big-bigg shaip di ruural ekanaamix an ruural susaiyiti, afek bot di faama dem an di adda biznis dem wa sapoat faamin.[2]
Di mien aagrikalcha pradok dem kya gruup inna fuud, faiba, fyuul, an raa machrial dem (fu egzampul, roba). Fuud klaas dem inkluud green, vejitabl, fruut, kukin ail, meet, milk, eg, an monggos dem. Gloabal aagrikalcha pradoxhan amuunt fu bout 11 bilyan ton a fuud, 32 milyan ton a nachral faiba, an 4 bilyan kubik meeta wud. Howeva, raun 14 persen' a di worl fuud las bifuo reech di shap dem.[3]
Madarn agranami, plant breedin, agrakyemikal dem laik pes'tisaid an fatilaiza, an teknalajikal divelapmen shapli inkrees kraap yeel dem, bot dem kaal ekalajikal an envairanmenchal damij. Seliktiv breedin an madarn praktis ina laivstak faamin inkrees meet pradoxhan, bot kaal kansoan bout a di animal dem welfye an envairanmenchal damij. Envairanmenchal prablem dem inkluud klaimit chienj, laas a anda-wata saplai, difaarisrieshan, antibaiyatik rezistan, an adda faamin paluushan. Aagrikalcha bot kaal an rispan fu envairanmenchal digriedieshan laik laas a baiyodivaasiti, dezaatifikieshan, sail digriedieshan, an klaimit chienj, aal wa kyan kaal kraap yeel fu gaan dong. Jinetikali madifai aaganizim dem waidli yuu, bot sam kawnchri dem baan dem.
Refrens dem
[edit | edit source]
- ↑ The State of Food and Agriculture 2021. Making agrifood systems more resilient to shox and stresses. Rome: Food and Agriculture Organization of the United Nations. 2021. doi:10.4060/cb4476en. ISBN 978-92-5-134329-6. S2CID 244548456. Archived from the original on 13 April 2023. Retrieved 3 February 2023.
- ↑ Lowder, Sarah K.; Sánchez, Marco V.; Bertini, Raffaele (1 June 2021). "Which farms feed the world and has farmland become more concentrated?". World Development. 142: 105455. doi:10.1016/j.worlddev.2021.105455. ISSN 0305-750X. S2CID 233553897.
- ↑ "FAOSTAT. Forestry Production and Trade". Food and Agriculture Organization. Archived from the original on 4 January 2024. Retrieved 12 July 2021.