Wn/skr/گوادر جنوبی بلوچستان دا دارالحکومت قرار

حکومت بلوچستان نے گوادر کوں جنوبی بلوچستان دا دارالحکومت بݨاوݨ کیتے گوادر وچ سرکاری ریسٹ ہاس کرائے تے گھن گھدا۔ سول سیکرٹریٹ کیتے گوادر پورٹ اتھارٹی دے ریسٹ ہاس کوں ماہانہ لکھاں روپے دے عوض کرائے تے گھن گھدا ڳیا ہے جیندے تے گوادر پورٹ تے حکومت بلوچستان دے مابین معاہدے تے دستخط وی کر ݙتے ڳئے ہن۔ ریسٹ ہاس دی تزئین و آرائش کیتے لکھاں روپے خرچ کیتے ویسن جبکہ ملازمتاں کیتے بھرتیاں دا وی آغاز کر ݙتا ڳیا ہے۔ جنوبی بلوچستان دے دارالحکومت کیتے جی پی اے دے جیہڑے ریسٹ ہاس کوں کرائے تے گھدا ڳیا ہے اوندے وچ تقریباً ویہہ دے قریب کمرے ہوسن۔ حکومت بلوچستان تے جی پی اے دے مابین طریقہ کار طے کر ݙتا ڳیا ہے۔ ݙوجھی جانب سرکاری سطح تے ایں چیز دی وضاحت تھی سڳی کہ وزراء کتھاں رہائش کریسن۔ جی پی اے دا ریسٹ ہاس صرف سول سکرٹریٹ کیتے ہوسی یا وزراء تے انہاں دے جملہ سٹاف دی رہائش کیتے وی؟ اے مسئلہ حالی تک معمہ بݨا ہویا ہے۔