Wn/skr/ڈیرہ غازیخاں نادرہ گارڈ دی بدتمیزی

منگل، 11مارچ 2025ء

تحریر اورنگزیب اورنگ بغلانی

ہر کوئی اپݨی طاقت دے مطابق کہیں نہ کہیں شکل وچ بدمعاش بݨیا ہویا ہے۔ کوئی چھوٹا بدمعاش ہے، تاں کوئی وݙا۔ پر جݙاں ایہ بدمعاشی بزرگاں دے نال بدتمیزی تئیں پہنچ ویندی ہے، تاں ایہ ہک انتہائی شرمناک تے ناقابل برداشت عمل ہے۔ حالیہ واقعے وچ ڈیرہ نادرہ گارڈ دے کہیں فرد دی طرفوں ہک بزرگ نال بدتمیزی کیتی ڳئی تے دھکے ݙتے ڳئے، جیندے نال بزرگ دی پگڑی وی گر ڳئی ہے۔ ایہ واقعہ نہ صرف بزرگ دے وقار کوں ٹھیس پہنچی، بلکہ ایہ معاشرے دے اخلاقی اقدار تے وی ہک وݙا حملہ ہے۔ پگڑی، خاص کر بزرگاں دی پگڑی، ہک عزت تے وقار دی علامت ہے۔ ایندے گرݨ دا مطلب ہے کہ بزرگ دے وقار کوں ٹھیس پہنچی ہے۔ ایہ کوئی معمولی ڳالھ کائنی، بلکہ ایہ ہک انتہائی سنگین مسئلہ ہے، جیندے تے فوری تے سخت قانونی کارروائی دی ضرورت ہے۔ ڈیرہ نادرہ گارڈ دے فرد دی طرفوں ایہ حرکت نہ صرف بزرگ دے نال بدتمیزی ہے، بلکہ ایہ معاشرے دے اخلاقی اقدار تے وی ہک حملہ ہے۔ اساڈ ہک ایجھا معاشرہ ہیں، جیندے وچ بزرگاں کوں عزت تے احترام ݙتا ویندا ہے۔ بزرگاں دے نال بدتمیزی کرݨ تے انہاں کوں دھکے ݙیوݨ دا مطلب ہے کہ اساں اپݨی اقدار کوں بھل ڳئے ہیں۔ ایں واقعے تے فوری تے سخت قانونی کارروائی دی ضرورت ہے۔ جیڑھے فرد نے وی بزرگ دے نال بدتمیزی کیتی ہے، اوکوں قانون دے شکنجے وچ آوݨ چاہیدا ہے۔ ایں طرح دے واقعات کوں نظرانداز کرݨ دا مطلب ہے کہ اساں ایں طرح دے جرائم کوں فروغ ݙیندے پئے ہیں۔ جے ایں واقعے تے فوری تے سخت کارروائی نہ کیتی ڳئی، تاں ایہ معاشرے وچ بدمعاشی کوں فروغ ݙیوݨ دے مترادف ہے۔ اساکوں سب کوں چاہیدا ہے کہ اساں ایں واقعے تے اپݨی آواز بلند کروں اتے یقینی بݨاؤں کہ ایندے خلاف فوری تے سخت قانونی کارروائی کیتی ونجے ۔ بزرگاں دے نال بدتمیزی کرݨ والے افراد کوں سزا ملݨی چاہیدی ہے، تاکہ ایں طرح دے واقعات دا مستقبل وچ تذکرہ تک نہ رہوے۔ آخر وچ، راقم الحروف دا خیال ہے کہ اساکوں سب کوں چاہیدا ہے کہ اساں اپݨی اقدار تے روایات کوں محفوظ رکھن تے بزرگاں کوں عزت تے احترام ݙیوݨ۔ جے اساں ایں طرح دے واقعات کوں نظرانداز کریسوں، تاں اساں اپݨی اقدار کوں کھو ݙیسوں۔