Wn/skr/ڈاکٹر طاہر تونسوی دی یاد وچ ہک تعزیتی تقریب

From Wikimedia Incubator
< Wn‎ | skrWn > skr > ڈاکٹر طاہر تونسوی دی یاد وچ ہک تعزیتی تقریب
Jump to navigation Jump to search

٢١ جنوری ٢٠٢٠ء

سرائیکی ایریا ریسرچ اینڈ سٹڈی سنٹر بہاءالدین زکریا یونیورسٹی ملتان وچ اج ممتاز محقق نقاد دانشور تے شاعر ڈاکٹر طاہر تونسوی دی یاد وچ ہک تعزیتی تقریب تھئی جیندی صدارت ڈائریکٹر سٹڈی ایریا اینڈ ریسرچ سنٹر ڈاکٹر ممتاز خان کلیانی نے کیتی ۔وائس چانسلر ڈاکٹر منصور اکبر کنڈی ایں تقریب دے خصوصی مہمان ہن ۔

تقریب دی نظامت دے فرائض ڈاکٹر خالد اقبال نے نبھائے ۔

ڈین فیکلٹی آف سوشل سائنسز تے اکنامکس ڈاکٹر عمران شریف ۔شعبہ فلاسفی دی چئرپرسن ڈاکٹر رفعت اقبال ۔ڈاکٹر طاہر تونسوی دے فرزند پروفیسر عامر حفیظ ملک ۔ ڈاکٹر محمد امین ۔ڈاکٹر نعمت الحق ۔

تے ظہور احمد دھریجہ تقریب دے اعزازی مہمان ہن.

اشرف جاوید ملک ۔ڈاکٹر مقبول گیلانی ۔ ڈاکٹر امتیاز بلوچ۔عنبرین عمر بلوچ۔ ظہور دھریجہ۔ڈاکٹر خالد اقبال۔ احمد کامران مگسی ۔ عامر حفیظ ملک تے ڈاکٹر محمد امین نے ڈاکٹر طاہر تونسوی دی شخصیت تے فن دے حوالے نال گفتگو کیتی تے سرائیکی وسیب کیتےانہاں دے علمی ادبی تے تحقیقی کم دی اہمیت کوں نشابر کیتا ۔

ڈاکٹر نسیم اختر ۔ڈاکٹر اجمل مہار۔ پروفیسر محمد عارف تےپروفیسرحافظ فیاض ایں شاندار تقریب دے آہری ہن ۔

تقریب دی صدارت کرینجیں ہوئیں وائس چانسلر بہاءالدین زکریا یونیورسٹی ملتان ڈاکٹر منصور اکبر کنڈی نے سرائیکی زبان وچ تقریر کریندیں ہوئیں سرائیکی وسوں دی ثقافت زبان تے ادب دی ترقی کیتے چنگے ارادیاں دا اظہار کیتا تے سرائیکی صوبے دی لوڑ بارے جنڑوایا ۔

تقریب دے چھیکڑ وچ ڈاکٹر ممتاز کلیانی نے ڈاکٹر طاہر تونسوی دے کم تے شخصیت بارے گالہہ مہاڑ کیتی تے اے آکھیا جو سرائیکی ریسرچ ایریا اینڈ سٹڈی سنٹر وسیب دی ہر اہم شخصیت کوں ایویں ای خراج ِ عقیدت پیش کریندا راہسی تے سرائیکی زبان تے ادب دی خدمت دے کم کوں اگاں در ودھیندا راہسی ۔

تقریب وچ مہماناں طلبا تے طالبات دی ہک وڈی تعدا شریک تھئی جنہاں کیتے چاہ پانڑیں دا انتظام وی کیتا گیا ہئی ۔

ایں دوران سرائیکی محقق نقاد شاعر تے ناول نگار سلیم شہزاد نے وی سرائیکی ایریا سٹڈی اینڈ ریسرچ سنٹر تے سٹوڈیو دا دورہ کیتا جاں جو ڈاکٹر خالد اقبال تے اشرف جاوید ملک نے انہاں دا انٹرویو ریکارڈ کیتا ۔

سئیں سلیم شہزاد نے ایں موقع دے ڈاکٹر ممتاز کلیانی کوں اپنڑیاں کتاباں وی پیش کیتیاں ۔