Wn/skr/چوٹی بالا پولیس پکوڑے سموسے والیاں تے ظلم و ستم بند کرو

اڄ کل چوٹی بالا پولیس پکوڑے سموسے  والیاں تئیں ظلم دا سلسلہ شروع کیتی پئی ہے ۔ ایں طرح دے چھوٹے چھوٹے کاروباری لوک جیہڑے اپݨے گھر دے چولھے تے پکوڑے سموسے بݨا تے فروخت کرݨ دے ذریعے اپݨے گھر دی روزی کماندے ہن، پولیس دی طرفوں دباؤ ہے ۔ پولیس اپݨی جیب خرچی کیتے ایں طرح دے چھوٹے کاروباریاں کوں تنگ کرݨ دے بہانے تلاش کریندی پئی اے۔ ایہ ظلم صرف پکوڑے سموسے  والیاں تے کائنی بلکہ غریب مزدوراں تے چھوٹے کاروباریاں دے حقوق دی پامالی دا اک وݙا مسئلہ اے۔  حکومت کوں چاہیدا اے کہ ایں طرح دی کارروائیاں تے فوری پابندی لڳاوے۔ غریب غرباء تے مزدور طبقے کوں تنگ کرݨ دی بجائے اُنہاں دی مدد کیتی ونجے۔ پولیس کوں چاہیدا اے کہ او اپݨی ذمہ داریاں نبھاوے تے چھوٹے کاروباریاں کوں ہراساں کرݨ دی بجائے اُنہاں دے حقوق دی حفاظت کرے۔  راقم الحروف برملا آکھدے کہ غریب لوکاں دے نال ناانصافی بند کیتی ونجے۔ چھوٹے کاروباریاں کوں تحفظ ݙتا ونجے تے اُنہاں دے روزگار کوں بچاوݨ دے اقدامات کیتے ونجن۔  

_کالم نگار اورنگزیب اورنگ بغلانی

11:03:2025