Wn/skr/چوٹی بالا پولیس لکڑ ہاریں توں پیسے گھن کے چھوڑ ڈیندی ہے

13:03:2025

دامان علاقہ وچ چوٹی بالا درختاں کو بےدردی نال کٹیا ویندا پیاء ہے ۔ ایہ درخت نہ صرف ماحول دی خاطر ضروری ہن بلکہ ایہ ساݙی زمین دی خوبصورتی دا وی حصہ ہن۔ لیکن افسوس دے نال آکھݨا پوندے کہ چوٹی بالا پولیس لکڑ ہاروں کنوں پیسے گھن کے چھوڑ ݙیندی ہے تے کوئی کارروائی نئیں کریندی ۔ ایہ صورت حال نہایت تشویش ناک ہے۔ درختاں دا صفایا کرݨ نہ صرف ماحول دی خاطر نقصان دہ ہے بلکہ ایہ ساݙی آنے والی نسلاں دی خاطر وی خطرناک ہے۔ درخت ماحول کوں صاف رکھݨ، ہوا کوں خوشگوار بݨاوݨ تے زمین دے کٹاو کوں روکݨ وچ اہم کردار ادا کریندن۔ لیکن افسوس دے نال، ایہ درخت بےدردی نال کٹے ویندے پئین۔ اتے کوئی وی ادارہ ایں ڳالھ تے توجہ نہیں ݙیندا۔ EPA (Environmental Protection Agency) جیہے ادارے جنہاں دا مقصد ماحول دا تحفظ کرݨ ہے، او وی ایں مسئلے تے خاموش ہن۔

اساݙی EPA توں گزارش ہے کہ او ایں مسئلے تے فوری توجہ ݙیوے تے درختاں دے کٹاو کوں روکݨ دی خاطر سخت اقدامات کرے۔ اساݙی زمین تے ماحول دے تحفظ دی خاطر ایہ نہایت ضروری ہے۔

اساݙی آونڑ والیاں نسلاں دے خاطر اساݙی زمین کوں محفوظ تے خوبصورت بݨاوݨ اساݙی ذمہ داری ہے۔ درختاں دا تحفظ کرݨ تے ماحول کوں بچاوݨ دی خاطر ہر سطح تے اقدامات کرݨ ضروری ہن۔ اساݙی EPA تے دیگر اداریاں توں گزارش ہے کہ او ایں مسئلے تے فوری توجہ ݙیوے تے درختاں دے کٹاو کوں روکݨ خاطر سخت اقدامات کرن۔

کالم نگار اورنگزیب اورنگ بغلانی