Wn/skr/چوٹی بالا رمضان نگہبان پروگرام پیکیج

منگل، 11 مارچ 2025ء

چوٹی بالا پہلے روزے کنوں شروع تھیا رمضان نگہبان پیکیج ، پیکیج دے تحت فی کس توں 500 یا 300 روپے کٹوتی کیتی ویندی پئی اے، پر ایہ کٹوتی خاموشی نال تھیندی پئی اے۔ لوکاں دا آکھݨاں اے جو چوٹی زیریں لگے ونجو چوٹی زیریں ونجنڑ نال ہزار روپے کرایہ لڳدے۔ ایہ ڳالھ سمجھݨ والی اے جو لوکاں دے دل وچ ایں پیکیج دے بارے وچ شکوک پیدا تھی ڳئین۔حکومت کوں چاہیدا اے جو ایں پیکیج دے مقاصد تے طریقہ کار کوں واضح طور تے لوکاں دے سامݨے رکھے۔ جے کٹوتی کیتی ویندی پئی اے تاں ایندا مقصد کیا ہے؟ ایہ رقم کتھاں استعمال تھیسی؟ ایہ سوالات لوکاں دے ذہن وچ ہن تے انہاں دے جوابات ݙتے ونڄن ضروری ہن۔لوکاں دی آواز کوں سݨݨا تے انہاں دے مسائل دا حل ڳولݨا حکومت دی ذمہ داری اے۔ جے ایہ پیکیج واقعی لوکاں دی بھلائی کیتے بݨایا ڳیا ہے تاں ایندے بارے وچ مکمل شفافیت ہووݨی چاہیدی اے۔ خاموشی نال کٹوتی کرݨ توں لوکاں دے دل وچ شکوک پیدا تھیندن اتے ایہ حکومت تے عوام دے درمیان فاصلہ ودھ سڳدے۔آخر وچ، ایہ ڳالھ یاد رکھݨ والی اے جو عوام دی رضا مندی تے اعتماد دے بغیر کوئی وی پیکیج کامیاب نئیں تھی سڳدا۔ حکومت کوں چاہیدا اے جو لوکاں دے سوالات دے جواب ݙیوے تے انہاں دے اعتماد کوں بحال کرے۔ صرف ایں طرحاں ایہ پیکیج واقعی مفید ثابت تھی سڳدے۔

— تحریر: اورنگزیب اورنگ بغلانی