Wn/skr/پنجاب دی قبضہ گیرانہ کالونیل سوچ دی: سرائیکی خطے تے اثرات

پنجاب دی قبضہ گیرانہ کالونیل سوچ تئیں سوال ہک وݙا تے حساس مسئلہ ہے، جیندا اثر سرائیکی خطے تے وی پئے۔ ایں سوچ دے تحت پنجاب کوں مرکز تے ترقی دا معیار سمجھا ویندے، جبکہ سرائیکی خطے سمیت باقی صوبے تے علاقے کوں نظرانداز کیتا ویندے۔ ایں ناانصافی دی وجہ توں سرائیکی خطے وِچ ترقی دی رفتار سست ہے تے معاشی، تعلیمی تے سماجی شعبیاں وِچ پچھڑاپن دا احساس ودھ ڳئے۔ سرائیکی خطے دے وسائل، خاص کر کے پاݨی تے معدنیات، کوں پنجاب دی ترقی کیتے استعمال کیتا ویندے، جیندے نال سرائیکی عوام دے حقوق پامال تھیندن۔ مثال دے طور تے، پاݨی دے مسائل دا سوال ہے۔ سرائیکی خطے دے دریاواں دا پاݨی پنجاب دے وݙے شہراں تے زرعی علاقیاں کیتے استعمال کیتا ویندے، جیندے نال سرائیکی علاقے خشک سالی دا شکار تھی ویندن۔ ایں طرحاں دی پالیسی سرائیکی عوام وِچ احساس محرومی پیدا کریندی ہے۔ سرائیکی زبان تے ثقافت کوں وی نظرانداز کیتا ویندے۔ سرائیکی زبان کوں قومی سطح تے تسلیم نہ کرݨ تے تعلیمی اداریاں وِچ ایندے استعمال کوں محدود رکھݨ نال سرائیکی ثقافت تے شناخت کوں خطرہ لڳ ڳئے۔ ایں صورتحال وِچ سرائیکی عوام دے اندر آپݨی شناخت تے حقوق دے تحفظ کیتے آواز بلند کرݨی پئی ہے۔ ایں مسئلے دا حل ایہ ہے جو وفاقی تے صوبائی سطح تے سرائیکی خطے دے حقوق کوں تسلیم کیتا ونڄے۔ سرائیکی خطے کوں ہک ان صوبے دا درجہ ݙے تے اوندے وسائل تے اختیارات کوں مقامی سطح تے استعمال کرݨ دی اجازت ݙتی ونڄے۔ سرائیکی زبان تے ثقافت کوں قومی سطح تے تسلیم کر تے تعلیمی اداریاں وِچ ایندے استعمال کوں یقینی بݨایا ونڄے۔ سرائیکی عوام کوں چاہیدا ہے جو او اپݨے حقوق دے تحفظ کیتے متحد تھیون تے آپݨی آواز کوں بلند کرن۔ صرف ایں طرحاں اساں پنجاب دی قبضہ گیرانہ کالونیل سوچ دے خلاف مزاحمت کر تے سرائیکی خطے کوں ترقی تے خوشحالی دی راہ تے گامزن کر سڳدے ہیں۔

کالم نگار اورنگزیب اورنگ بغلانی تاریخ 19:03:2025ء