Wn/skr/ماہ رݨگ اتے سرائیکی ،پنجابی، خون دی سیاست

جڈاں بلوچ علیحدگی پسند گروہ عورتاں کوں خودکش حملہ آور دے طور تے استعمال کیتا ویندا ہا، تے بشیر زیب جہے لیڈراں دا آکھݨ ہا کہ "جنگ وچ جینڈر دا فرق نہیں ہووݨا چاہیدا"، تاں ہݨ ایہو جہے لوک ریاستی کارروائیاں تے "عورت کوں کیوں گھسیٹیا ویندا پئے؟" دا رونا کیوں کر ݙیندن؟

شاری بلوچ دا کیس: جڈاں بلوچ "غیرت" سم گئی ہئی

جڈاں شاری بلوچ نامی عورت خودکش حملہ کیتا تے اوندے جسم دے ٹکڑے سڑک تے پئے ہن، تاں بلوچ قوم دے "چادر تے چار دیواری" دے دعوے کتھاں گئے ہن؟ جے بلوچ معاشرے وچ عورت دی عزت ایں قدر مقدس ہے، تاں: 1. کیوں بلوچ سیاسی لیڈرز شاری بلوچ دے استعمال دی مذمت نہ کیتی؟ 2. کیوں بلوچ تنظیماں عورتاں کوں بمبار بݨاوݨ دے خلاف کوئی واضح موقف نہ گھدا؟

جے "جنگ وچ جینڈر دا فرق نئیں، تاں ول گرفتاری تے کارروائی تے "عورت کارڈ" کیوں کھیڈیا ویندا پئے؟

ماہ رݨگ تے سرائیکی ، پنجابی خون دی سیاست

سرائیکی وسیب دے دانشور تے پنجابی دوست، ماہ رݨگ دی حمایت کرݨ توں پہلے ایں حقیقت کوں ضرور ڈیکھݨا چاہیدا: - ماہ رݨگ دی جماعت (بی ایل اے) دے کارکنان سرائیکی تے پنجابی مزدوراں، شہریاں کوں صرف انہاں دی قومیت دی بنیاد تے نشانہ بݨایا ہے۔ - 2010 توں ہُݨ تئیں 100 توں زائد پنجابی تے سرائیکی مسافر بلوچستان وچ اغوا تے قتل تھی چُکن۔ - - ماہ رݨگ یا بلوچ قوم پرست لیڈراں کݙاں انہاں مظلوم سرائیکی تے پنجابیاں دے قتل دی مذمت کیتی ہے؟

جے اینجھی سیاست دی حمایت کیتی ویندی ہے، تاں ایندا مطلب ہے سرائیکی تے پنجابی خون دی تجارت کوں قبول کر گھدا ویندا پئے۔ سرائیکی وسیب کوں چاہیدا کہ اپݨی سوچ دی لکیر واضح رکھے

1. کہیں وی عورت دے خلاف ذاتی حملے گھٹیا فعل ہن— ایندی مکمل مذمت کیتی ویندی ہے۔

2. پر سیاسی موقف حقائق دی بنیاد تے پرکھیا ونڄے— جے کوئی جماعت سرائیکی تے پنجابی خون دی قیمت تے سیاست کریندی پئی ہے، تاں اساݙی حمایت دے قابل کینویں تھی سڳدی ہے؟

3. بلوچ قوم پرست لیڈر جڈاں عورت کوں بمبار بݨیندن، تاں انہاں دا اخلاقی اعتراض ریاست تے کیوں؟

آخر وچ ہک سوال: جے بلوچستان وچ عورت دی عزت ایں قدر وݙی ہے، تاں اینجھے وحشیانہ واقعات دے بعد بلوچ سماج دی خاموشی کیوں؟

✍️ کالم نگار: اورنگزیب اورنگ بغلانی تاریخ 26:مارچ 2025ء