Wn/skr/ماہ رمضان المبارک دیوچ راشن دی تقسیمی

اڄوکے دور وچ جتھاں معاشرتی مسائل ودھ ڳئین، اوتھاں اساکوں انہاں مسائل تے روشنی پاوݨ دی ضرورت ہے۔ پنجاب وچ رمضان دے دوران راشن دے دوے کرݨ والے دے بارے وچ ڳالھ کریساں، رمضان المبارک دا مہینہ رحمت، مغفرت تے نجات دا مہینہ ہے۔ ایہ او وقت ہوندے جتھاں ہر کوئی اپݨے رب دے نیڑے تھیوݨ دی کوشش کریندے، غریباں تے مسکیناں دی مدد کریندے تے اپݨے اخلاق کوں سنوارݨ دی کوشش کریندے۔ پر اڄ کل اساں ݙیکھدے ہیں جو ایہ مقدس مہینہ وی کجھ لوکاں کیتے ناجائز فائدے چاوݨ دا موقع بݨ ڳئے۔

راشن دی تقسیم دے ناں تے غریباں تے مسکیناں کوں لوٹݨ والے ایہ لوک کتھاں مر ڳئین؟ کیا انہاں دے دلاں وچ انسانیت دا جذبہ کائنی؟ کیا انہاں کوں ایہ احساس کائنی جو او غریباں دے حق مارے ویندے پئین؟

رمضان دے مہینے وچ راشن دی تقسیم ہک مقدس فریضہ ہے۔ ایہ او وقت ہوندے جتھاں اساکوں غریباں تے مسکیناں دی مدد کرݨی چاہیدے ہے، انہاں کوں سستے سامان تے راشن مہیا کرݨا چاہیدے ہے۔ پر اڄ کل اساں ݙیکھدے ہیں جو کجھ لوک ایں مقدس فریضے کوں وی ناجائز فائدے چاوݨ دا ذریعہ بݨا گھدے۔ ایہ سوال اساکوں اپݨے آپ توں ضرور پچھݨا چاہیدا ہے۔ جے اساں اپݨے معاشرے کوں بہتر بݨاوݨ چاہندے ہیں، تاں اساکوں ایں ڳالھ دا احساس کرݨا ہوسی جو ہر کوئی اپݨے فرض کوں پورے دیانتداری نال ادا کرے۔ راشن دی تقسیم دے ناں تے غریباں کوں لوٹݨ والے ایہ لوک معاشرے دے دشمن ہن۔

✍️کالم نگار:اورنگزیب اورنگ بغلانی

تاریخ 23:03:2025ء