Wn/skr/علاقہ نور شاہ تلائی وچ عید قربان

(نمائندہ نور شاہ تلائی وکی پیڈیا)پورے عالم اسلام وانگوں کوٹ ادو دے مضافاتی علاقہ نور شاہ تلائی وچ وی عید قربان(ٻکرا عید)وݙے زور شور نال منائی ویندی پئی ھِ۔ وسیب دیاں ساریاں مسیتاں تے عید گاہواں وچ اڄ سویرے 6:30توں 7:30تک نماز_عید ادا کرݨ توں بعد قربانی کرݨ آلے لوگ مختلف جانور اللہ تعالیٰ دی راہ تےکہݨ شروع تھی ڳئے۔اے ہک کھری حقیقت ہےجو اے قربانی کر کے اللہ دے پیغبر حضرت ابراہیم (ع) دی سنت زندہ کیتی ویندی ہے۔ ایں عید دے موقعے تے ٻالاں دی تیاری دے ݙاڈھے خوش گوار نظارے ݙیکھݨ کوں ملیے۔ گھراں وچ معمول کنوں زیادہ کھاوݨ پیوݨ دے انتظامات مکمل کر گھدے ڳئے۔ صاحب_حیثیت لوگ قربانی دا گوشت مساکین و غرباء وچ ونڈاوݨ دا اہر کرݨ لڳ پئے۔ عید دی خوشیاں وچ وادھا کرݨ سانگے اڄ دے ݙینہ ڳھبرو جواناں دے سوشل میڈیا تِ محبت بھریے سنہیڑے امن دی ریت دی نویکلی مثال ہن۔شالا اے خوشیاں وادھو ودھ ہوون۔