Wn/skr/جنوبی پنجاب کرکٹ ٹیم دے چئیرمین تے سی ای او دا سرائیکی وسیب دے کرکٹ ٹیلنٹ کوں فروغ ݙیوݨ دا عزم
12 دسمبر 2022ء
چئیرمین جنوبی پنجاب (سرائیکی وسیب) کرکٹ ایسوسی ایشن خواجہ محمد انیس تے سی ای او جنوبی پنجاب کرکٹ ایسوسی ایشن عبدالصبور نے رمیض راجہ کوں ہک ملاقات اچ یقین ݙیوایا کہ جلد ہی سرائیکی وسیب توں کرکٹ ٹیم کیتے اینجھا ٹیلنٹ سامݨے گھن آسوں جیہڑا ملک و قوم دا نام روشن کریسی۔ ایندے تے چیئرمین پی سی بی رمیض راجہ نے اتھاں موجود ہک معروف صنعتکار خواجہ جلال الدین رومی دا شکریہ ادا کیتا تے آکھا، پی ایس ایل دے آغاز توں پہلے ساݙے نمائندے تمام کاروباری اداریاں نال رابطہ کر کے پی ایس ایل دی افتتاحی تقریب کوں ملتانی رنگاں نال سجھیسن تے جنوبی پنجاب دے نوجوان کرکٹرز دے تعاون نال اساں پی ایس ایل کوں مزید خوبصورت بݨیسوں۔ ایں موقعے تے انگلینڈ کرکٹ بورڈ دے سربراہ جان کار وی موجود ہن۔ جنہاں نے اہل ملتان دی میزبانی دی تعریف کریندے ہوئے آکھا کہ میکوں دنیا دے قدیم ترین شہر ملتان وچ آکے ٻہوں خوشی تھئی۔ چیئرمین پی سی بی رمیز راجہ دا آکھݨا ہے کہ چیئرمین شپ پھلاں دی سیجھ نی۔ بہت سارے لوگاں دے توقعات ہوندن، جبکہ ساݙے تاں 22 کروڑ عوام دے امیداں وی چیئرمین نال وابستہ ہوندن۔ چیئرمین شپ وچ مسلسل کم ہے، کݙہیں کارکردگی اچھی ہوندی ہے تاں ٹھیک ہے، گھٹ ہووے تاں اساں وی بے چین ہوندے ہیں۔ ایں واسطے ایہ اتار چڑھاﺅ چلدا رہندے۔