Wn/skr/بنیادی مرکز صحت چوٹی بالا کی نجکاری نامنظور نامنظور

ٻُدھ، 12 مارچ 2025ء

بنیادی مرکز صحت چوٹی بالا دی نجکاری دے خلاف مقامی ملازمین سراپا احتجاج کیتے ۔ ایں فیصلے دے خلاف احتجاج کرݨ والے ملازمین دا آکھݨ ہے کہ نجکاری دے عمل نال نہ صرف عوام دی صحت دی بنیادی سہولت متاثر تھیسی، بلکہ مقامی سطح تے روزگار دے مواقع وی کم تھی ویسن۔ چوٹی بالا دے ایں مرکز صحت دا مقامی آبادی کیتے وݙا اہمیت رکھدا ہے۔ ایہ صحت دی سہولت نہ صرف غریب تے پسماندہ طبقے کیتے سستا علاج مہیا کریندی ہے، بلکہ ایں علاقے دے لوکاں کیتے روزگار دا ذریعہ وی ہے۔ نجکاری دے بعد ایں مرکز دے معیار تے خدمات تے کیا اثرات پوسن، ایہ وݙا سوال ہے۔ مقامی ملازمین دا آکھݨ ہے کہ حکومت کوں چاہیدا ہے کہ او عوامی صحت دے اداریاں کوں نجی ہتھاں وچ ݙیوݨ دے بجائے، انہاں کوں بہتر بݨاوݨ تے توجہ ݙیوے۔ نجکاری دے عمل نال عوام دے مفادات کوں نقصان پُڄ سڳدے، خاص طور تے ایں صورت وچ صحت دی سہولت غریب لوکاں کیتے ناقابل رسائی تھی سڳدی ہے احتجاج کرݨ والے ملازمین دا مطالبہ ہے کہ حکومت ایں فیصلے کوں فوری طور تے واپس گھنے تے عوامی صحت دے اداریاں کوں مزید بہتر بݨاوݨ کیتے اقدامات کرے۔ او ایں ڳالھ تے زور ݙیندے ہن کہ صحت ہک بنیادی انسانی حق ہے تے ایکوں کہیں وی صورت وچ نجی مفادات دا شکار نہ تھیوݨ ڈیسوں احتجاجی تحریک دے دوران ملازمین اپݨی جدوجہد کوں پرامن رکھݨ دا عزم ظاہر کیتے، پر او ایں ڳالھ تے وی واضح ہن کہ جے تک انہاں دے مطالبات تے توجہ نہ ݙتی ویسی، او اپݨی تحریک جاری رکھسن۔ ایں صورتحال وچ، حکومت کوں چاہیدا ہے کہ او مقامی ملازمین تے عوام دے خدشات کوں سنجیدگی نال سنے تے انہاں دے مفادات کوں تحفظ ݙیوݨ کیتے مناسب اقدامات کرے۔ صحت دے شعبے وچ نجکاری دے فیصلے کوں دوبارہ غور کرݨ دی ضرورت ہے، تاکہ عوام دی صحت تے روزگار دے مفادات کوں محفوظ رکھیا ونڄ سڳے۔

کالم نگار اورنگزیب اورنگ بغلانی