Wn/skr/بلوچ عورت تے پنجابی عورت دی سیاست: ہک سرائیکی دانشور دی نظر نال

جڈاں بلوچ عورت کوں خودکش بمبار بݨایا ویندا ہا، تاں بشیر زیب آہدا ہا کہ "جنگ دے وچ جینڈر دا فرق نئیں ݙیکھݨا چاہیدا۔" ہݨ جݙاں ریاست وی ایہو جہی کارروائی کریندی پئی ہے، تاں ایہ لوک "عورت کارڈ" کیوں کھیڈݨ پئے گئے ہن؟ جے عورت غدار تے دہشت گرد ہے، تاں او وی گرفتار تھیسی، چاہے او مرد ہووے یا عورت۔ جے شاری بلوچ ناں دی عورت خودکش حملہ کر سڳدی ہے تے اوندے جسم دے ٹکڑے سڑک تے پئے ہن، تاں اوندا تقدس، چادر تے چار دیواری والا شعور اُتھاں گیا ہا؟ بلوچ سماج وچ عورت دی حرمت دا ڈھنڈورا پیٹݨ والے اُتھاں گئے ہن؟ ساݙے ہمسائے پنجابی تے کجھ سرائیکی دانشور ماہ رنگ کوں سپورٹ کریندے ہن، پر بھلدے ہن کہ ایہ اوہا عورت ہے جیندی پارٹی معصوم پنجابی تے سرائیکیوں کوں صرف انہاں دی قومیت دی بنیاد تے قتل کریندی ہے۔ ماہ رنگ کݙاں انہاں مظلوم لوکیں دے قتل دی مذمت کیتی ہے؟ کیا پنجابی تے سرائیکی خون انہاں دے نزدیک گھٹ قیمتی ہے؟ سوچݨ دا مقصد ہے: جے تہاݙی سیاست صرف جذبات تے مشہور ٹرینڈز تے چلدی ہے، تاں تساں سستے دانشور ہو۔ کہیں دی لڑائی وچ کودݨ توں پہلے، تھوڑی تحقیق ضرور کرو۔ (نوٹ: ماہ رنگ یا کہیں وی عورت دے خلاف ذاتی حملے تے گھٹیا زبان استعمال کرݨ قابل مذمت ہے۔ اساں ایں رویے دی مکمل مذمت کریندے ہیں۔)

✍️کالم نگار: اورنگزیب اورنگ بغلانی

تاریخ: 26:مارچ 2025ء