Wn/skr/اقوام متحدہ دے سیکریٹری جنرل دا نواز شریف کوں فون

پاکستانی حکومت نے پچھلے ہفتے پشاور وچ سکول حملے دے بعد ملک وچ پھانسی دی سزا تے عمل درآمد فوری طور تے شروع کر ݙتا ڳیاہا۔ وزیر اعظم پاکستان میاں نواز شریف دے ترجمان مصدق ملک ہک مختصر بیان وچ آکھیا ہے جو ’پاکستان بین الاقوامی برادری دی عزت کریندا ہے، ملک غیر معمولی صورتحال نال دوچار ہے جیندے واسطے غیر معمولی اقدامات دی ضرورت ہے۔‘ انہاں مزید آکھیا جو پرامن پاکستان دنیا دے مفاد وچ ہے۔ اقوام متحدہ دے ہک ترجمان نے ݙسایا ہے جو مسٹر بان کی مون نے پاکستانی وزیراعظم نواز شریف نال گالھ کیتی ہے تے انہاں آکھیا ہے جو او فوری طور تے اپݨا فیصلہ واپس گھن گھنن۔ پھانسیاں: درست قدم ہے یا جذباتی ردِ عمل؟ فوری پھانسیاں قانون دے پھندے وچ خبر رساں ادارے اے ایف پی دے مطابق بان کی مون نے جمعرات کوں پاکستانی وزیرِ اعظم کوں فون کر کے اناں نال پشاور وچ بالہاں دی ہلاکتاں تے اظہارِ افسوس کیتا۔ بان کی مون دے دفتر توں جاری تھیوݨ آلے ہک بیان وچ آکھا ڳیا ہے جو ’ایں مشکل صورتِ حال کوں پوری طرح نال سمجھدے ہوئے سیکریٹری جنرل نے حکومتِ پاکستان تے زور ݙتا ہے جو او پھانسیاں بند کر کے سزائے موت دے عمل درآمد تے عائد پابندی دوبارہ نافذ کیتی ونجے۔‘ بیان وچ آکھا ڳیا ہے جو وزیرِ اعظم نواز شریف جواب وچ آکھا جو ’سارے قانونی تقاضے پورے کیتے ویسن۔‘